ەلباسىنىڭ ءسوزى جەردە قالماس. ءتىل – ۇلتتىڭ بەلگىسى، ۇلتتىڭ جانى. ءتىلى جوق ۇلت بولمايدى. ال ءبىز ءجاي ءبىر ۇلت قانا ەمەس، الەمدە جەر كولەمى جونىنەن 9-ورىندا تۇراتىن مەملەكەتكە يە ازات ۇلتپىز. ازات ۇلتتىڭ ءتىلى دە ازات بولۋى حاق. ەلباسىمىزدىڭ بۇۇ-دا قازاقشا سويلەگەنى ءبارىمىزدى ءبىر جەلپىندىرىپ تاستادى. ءبىر كۇن بولسا دا ەلدەگى بار قيىنشىلىقتى ۇمىتىپ كەتتىك. داعدارىس دەگەن ءجايىنا قالدى. دۇنيە جۇزىندەگى 17 ميلليون قازاق ءبىر ساتتە ەلباسىن توبەسىنە تىك كوتەرگىسى كەلدى. مىنە، بۇل ءتىل تاعدىر – ۇل تاعدىرى ەكەنىن كورسەتەدى. ءبىزدىڭ ەلدەگى ەڭ وزەكتى ماسەلە ءتىلىمىز بەن ازاتتىعىمىزدى ساقتاۋ ەكەنى انىق. ءار قازاقتىڭ جۇرەگىندەگى، «جانىم ارىمنىڭ ساداعاسى» دەگەن الاشتىڭ ءتىلىنىڭ ەندى وشپەسىنە سەنىم ۇيالاتتى. ەندى ەلىمىزدىڭ تىلدىك ساياساتىندا وڭ بەت بۇرىستار بولاتىنى انىق! ءتىلىمىز بەن ازاتتىعىمىزدى ساقتاساق، باسقا قالعان ماسەلەلەردىڭ ءبارى شەشىلەرىنە سەنىمىمىز كامىل. ەلباسىنىڭ «مەنەن كەيىنگى باسشىلار دا وسىلاي سويلەيدى دەپ سەنەمىن»،- دەگەن ءسوزى جەردە قالماس دەپ ويلايمىن.

تۇردىبەك قۇرمەتحان

 «قامشى» سىلتەيدى