رەسەي ۋكرايناعا كەزەكتى گۋمانيتارلىق كونۆويىن كىرگىزدى. بۇل تۋرالى «قامشى» پورتالى uatoday.tv-عا سىلتەمە بەرە وتىرىپ حابارلايدى. بۇل كونۆويلار، نەگىزىنەن، رەسەيلىك قارۋ-جاراق پەن كونتراباندانى شەكارادان وتكىزۋ ماقساتىندا قولدانىلادى ەكەن. ماسكەۋدىڭ مالىمدەۋىنشە، جۇك كولىكتەرى ۋكرايناداعى دونباسس حالقىنا كومەك جەتكىزۋ ۇستىندە. بۇل – شەكارادان ۋكراينا ۇكىمەتىنىڭ رۇقساتىنسىز وتكەن 32ء-شى كونۆوي ەكەن.

رەسەيلىك ۇكىمەتتىڭ ايتۋىنشا، جىبەرىلگەن كونۆوي 1000 توننا گۋمانيتارلىق كومەك تيەلگەن (ازىق-تۇلىك، دارى-دارمەك جانە ت.ب.) 100-دەن اسا ترانسپورتتىق قۇرالدى قۇرايدى.

سونىمەن بىرگە، ۋكراينا ۇكىمەتى بۇل كونۆويلاردىڭ دونەسك جانە لۋگانسك وبلىستارىنداعى جەرگىلىكتى بيلىك ورگاندارى قولعا تۇسىرگەن رەسەيلىك بۇلىكشىلەرگە ارناۋلى جۇك تاسىمالدايتىنىن ايتتى.

رەسەيمەن اراداعى شەكارانىڭ ۋكراينالىق بولىگىندەگى 400 شاقىرىم جەر باقىلاۋسىز قالعان ەكەن. كونۆويلار ۋكراينا اۋماعىنا باقىلاۋدان وتكىزۋ پۋنكتى ارقىلى ەمەس، ۇنەمى قارۋلانعان بۇلىكشىلەرءدىڭ باسا-كوكتەۋىمەن عانا كىرەتىن كورىنەدى.

ۋكراينا بيلىگىنىڭ ويىنشا، كونۆويلار جوعارىدا اتالعان مىندەتتەردەن بولەك ۋكراينادا قازا تاپقان ورىس اسكەرىن، ءوز ەركىمەن جانە جالدانىپ كەلگەن ازاماتتاردىڭ مۇردەلەرىن، سونىمەن قاتار، ۋكرايندىق ونەركاسىپتەن الىنعان قۇرال-جابدىقتاردى رەسەيگە تاسىمالداۋ ماقساتىندا قولدانىلادى.

ۋكرايندىق اسكەر گۋمانيتارلىق كونۆويدى كىرگىزگەندەردىڭ ۋكرايندىق پوزيسيالارعا شابۋىل جاساعان بۇلىكشىلەر بولىپ شىعۋى مۇمكىن دەيدى.

نازگۇل نازار