شىمكەنتتە ورتا ساپاسى جانە باقىلاۋ باسقارماسى مەن توتەنشە جاعدايلار دەپارتامەنتىنىڭ وكىلدەرى قالاداعى گاز تولتىرۋ بەكەتتەرىنىڭ باسشىلارىمەن كەزدەسىپ، اۆتو گاز بەكەتتەرىندە گاز باللوندارىن تولتىرۋ ماسەلەسىن تالقىلادى.

بۇگىندە قالادا كولىكتەرگە ارنالعان گاز بەكەتتەرىندە تۇرمىستىق گاز باللوندارىن تولتىرۋ جاعدايى بەلەڭ العان. ماماندار بەكەتتەردەن قۇيىلاتىن سۇيىق گاز جوعارى دەڭگەيدە سىعىمدالىپ، جارىلۋ ءقاۋىپى جوعارى ەكەنىن ايتۋدا.

بۇگىندە قالادا 4 گاز جيناقتاۋ ستانسيالارى ورنالاسقان. اۆتو گاز قۇيۋ قىزمەتىمەن اينالىساتىن 20 زاڭدى تۇلعالاردىڭ مەنشىگىندە 94 گاز قۇيۋ ستانسيالارى بار.

ورتا ساپاسى جانە قالالىق باقىلاۋ باسقارماسىنىنڭ وكىلى فارحات ۋركيمبايەۆ «گاز جانە گازبەن جابدىقتاۋ تۋرالى» زاڭىنىڭ 28-بابىنا سايكەس، گاز تولتىرۋ پۋنكتتەرىنىڭ يەلەرى سۇيىتىلعان گازدى تۇرمىستىق باللوندار ارقىلى ساتۋ ءۇشىن ءاربىر تۇتىنۋشىنى ەسەپكە الۋى مىندەتتەلگەنىن ايتتى.

ءقازىر گاز قۇيۋ بەكەتتەرىندە تۇرمىستىق باللوندار ارنايى قۇرىلعىسىز تولتىرىلۋدا. ءتىپتى، باللونداردىڭ جارامدىلىعى دا تەكسەرىلمەيدى. زاڭ بويىنشا گاز باللوندارىنا اۆاريالىق جانە جوسپارلى قىزمەت كورسەتۋ مىندەتتەلگەن. بۇل جۇمىستار ءاربىر تۇتىنۋشىمەن جۇرگىزىلۋى كەرەك. بۇگىندە ونىڭ ەشقايسىسى جۇزەگە اسىرىلماي كەلەدى.

–سىزدەر وسى سالادا كوپتەن جۇمىس اتقارىپ كەلەسىزدەر. ءبىلىمدى ماماندارىڭىز بەن ءتيىستى جابدىقتارىڭىز جانە مۇمكىندىكتەرىڭىز دە جەتكىلىكتى. تالقىلانىپ وتىرعان وزەكتى ماسەلەگە جاۋاپكەرشىلىكپەن قاراساڭىزدار گاز باللوندارمەن بايلانىستى وقىس-وقيعالاردىڭ الدى الىنار ەدى،-دەدى ف.ۋركيمبايەۆ.

جيىندا تج دەپارتامەنتىنىڭ وكىلدەرى بايانداما جاساپ، قاۋىپسىزدىك تالاپتارىن ساقتاۋ بويىنشا گاز جەلىسى ۇيىمدارىنا بىرلەسىپ جۇمىس ىستەۋگە شاقىردى.