مال شارۋاشىلىعىن جەم-شوپپەن قامتاماسىز ەتۋ ماقساتىندا شىمكەنت قالاسى بويىنشا 2021-2022 جىلدارعا ارنالعان جەم-شوپ دايىنداۋ ءىس-شارا جوسپارى بەكىتىلدى.

2021 جىلعا «اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونىمدىلىگىن جانە ءونىم ساپاسىن ارتتىرۋدى سۋبسيديالاۋ» باعدارلاماسى بويىنشا اۋىل شارۋاشىلىعى تاۋار وندىرۋشىلەرگە ءىرى قارا، قوي، جىلقىلاردىڭ انالىق باسىنا ارنالعان جەم-شوپ ساتىپ الۋ شىعىندارىن ارزانداتۋ بويىنشا قاجەتتى قارجى كولەمى انىقتالدى. وسىعان سايكەس، جەرگىلىكتى بيۋدجەت قاراجاتى ەسەبىنەن 248،0 ملن تەڭگە قارجى قاراستىرىلىپ، قالا اكىمدىگىنىڭ قاۋلى جوباسى دايىندالۋدا.

قۋاڭشىلىقتان ساقتاۋدى جەتىلدىرۋ بويىنشا قالا اۋماعىندا شارۋاشىلىقتارمەن بىرلەسە جۇمىستار اتقارىلۋدا.
«قاسقاسۋ-س» شارۋا قوجالىعىندا مال ازىقتىق داقىلدار ەگىلەتىن جەرگە تامشىلاتىپ سۋعارۋ ادىسىمەن ءبىر جىلدا 4 رەت ءونىم الۋ جوسپارلانۋدا. شەتەل تاجىريبەسىن پايدالانا وتىرىپ مال ازىقتىق داقىلداردى ەگۋ ءۇشىن الدىن الا توپىراقتىڭ قۇرامىن زەرتتەۋ جۇمىستارى جۇرگىزىلۋدە.

سونىمەن قاتار، اتالعان شارۋاشىلىق بازاسىندا گيدروپونيكالىق ءادىستى قولدانانۋ ارقىلى شىرىندى مال ازىعىن دايىنداۋ جوسپارلانۋدا. ءادىستىڭ تيىمدىلىگى، 2 كگ استىق ءدانىن سەۋىپ، 7 كۇندە 12 كگ شىرىندى مال ازىعىن الىپ، ونىمدىلىكتى جوعارىلاتۋ.
بۇل ءادىس بويىنشا الداعى ۋاقىتتا شارۋاشىلىقتارعا ارنايى سەمينارلار وتكىزۋ جوسپارلانۋدا.