شىمكەنت قالاسى بويىنشا 2021-2025 جىلدارعا ارنالعان «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ىسكە اسىرۋ ماقساتىندا دايىندالعان جول كارتاسىنداعى ءىس-شارالاردىڭ ورىندالۋ بارىسىن باقىلاۋ ماقساتىندا «Nur Otan» پارتياسى شىمكەنت قالالىق فيليالى ءتوراعاسىنىڭ ءبىرىنشى ورىنباسارى ج.بەكتايەۆانىڭ جەتەكشىلىگىمەن پارتيا فراكسياسىنىڭ جەتەكشىسى قالالىق ماسليحات دەپۋتاتى ب. تۋلەگەنوۆ، فراكسيا مۇشەلەرى قالا ماسليحات دەپۋتاتتارى م.جولدىحودجايەۆ، ب.قىدىربايەۆ، ل.سۋلايمانوۆ قالالىق جۇمىسپەن قامتۋ جانە الەۋمەتتىك قورعاۋ باسقارماسىندا بولدى.

شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى تاراپىنان «Nur Otan» پارتياسىنىڭ سايلاۋالدى باعدارلاماسى بويىنشا 13 تارماق بەكىتىلگەن. بۇگىنگى تاڭدا، تارماقتار بويىنشا ءبىرقاتار جۇمىستار اتقارىلىپ، 5 تارماق جوسپارعا سايكەس ورىندالعان.

اتاپ ايتقاندا، باسقارماعا قاراستى «شاپاعات» مۇگەدەكتەرگە ارنالعان وڭالتۋ ورتالىعى» كمم-نىڭ ىشىنەن «تەڭ قوعام» سەكتورى اعىمداعى جىلدىڭ ماۋسىم ايىندا ىسكە قوسىلدى. بالالار ۇيلەرىنىڭ تۇلەكتەرىن الەۋمەتتىك بەيىمدەپ، جۇمىسقا ورنالاستىرۋ، 2000-نان كەم ەمەس جوبانى ىسكە اسىرۋ ءۇشىن 200 اەك كولەمىندە گرانتتار ۇسىنۋ جانە كەمىندە 15 مىڭ جاسقا جاستار پراكتيكاسىن وتكىزۋگە مۇمكىندىك بەرۋ قارقىندى جۇرگىزىلۋدە. سونداي-اق، كوپبالالى جاس وتباسىلارعا ارنالعان «شاڭىراق» پسيحولوگيالىق، قۇقىقتىق، كاسىپتىك كەڭەس بەرۋ ينستيتۋتى ىسكە اسىرىلدى.

جول كارتاسىنىڭ 60-شى ءىس-شاراسىندا 2021 جىلعا 14 233 ازاماتتى تۇراقتى جۇمىس ورنىمەن قامتۋ جوسپارلانىپ، بۇگىنگى كۇنى ورىندالعانىن جەتكىزدى. 2021 جىلى مەملەكەتتىك جانە سالالىق باعدارلامالار نەگىزىندە 23 722 جاڭا جۇمىس ورىندارى (14 233 – تۇراقتى، 9489 – ۋاقىتشا) اشىلاتىنى جوسپارلانىپ، ناقتى 21 042جۇمىس ورنى اشىلدى (88،7%) (13 050 ورىن (91،7%) – تۇراقتى، 7 992 ورىن (84%) – ۋاقتىشا جۇمىس ورنى).

الداعى ۋاقىتتا قالعان تارماقتار بويىنشا جوسپارعا سايكەس جۇمىستاردىڭ جۇيەلى ءارى ناتيجەلى ورىندالۋىن پارتيا تاراپىنان ءجىتى باقىلايتىن بولادى.