بيىل «بوزارىق» شاعىن اۋدانىنداعى باستاۋىش سىنىبىنىڭ بۇلدىرشىندەرىنە ەسىك اشقان «مارجان» مەكتەبى ءبىلىم بەرۋ ىسىندە ساپاعا كوڭىل ءبولىپ وتىر.

مەكتەپتە ءبىلىم جانە عىلىم مينيسترلىگى بەكىتكەن ءبىلىم ستاندارتى نەگىزىندە اقىسىز ءبىلىم بەرىلۋدە. اتا-انالاردىڭ سۇرانىمى بويىنشا ۇزارتىلعان كۇن توبى مەن ۇيىرمەلەر، ءۇش مەزگىل تاماق جانە تاسىمال قىزمەتى اقىلى جۇرگىزىلەدى.

بۇگىندە 150 ورىنعا شاقتالعان مەكتەپتە 7 سىنىپقا ءبولىنىپ، 137 بالا ءبىلىم الۋدا. بۇلدىرشىندەرگە 17 ءمۇعالىم نەگىزگى پاندەر مەن ۇزارتىلعان كۇن توبىندا ءبىلىم بەرەدى.

مەكتەپ سوڭعى ۇلگىدەگى وقۋ بازاسىمەن جابدىقتالىپ، ارنايى مەديسينالىق قىزمەت كورسەتەتىن كابينەتى دە جاساقتالعان. ورناتىلعان بەينەباقىلاۋ جۇيەلەرى بالعىنداردىڭ قاۋىپسىزدىگىن كوزدەيدى.

شىعارماشىلىق توپتار مەن ۇيىرمەلەر جۇمىس دا جولعا قويىلعان. وقۋشىلار ساباقتان كەيىن قولونەر مەن ۆوكال ۇيىرمەسىنە قاتىسۋعا جانە ەركىن كۇرەس پەن شاحماتتان ءوزىن شىڭداۋعا مۇمكىندىك بار.

قالا باسشىلىعى تاراپىنان ءبىلىم سالاسىن دامىتۋدىڭ كەشەندى جوسپارى ازىرلەندى. زياتكەر ۇرپاق تاربيەلەۋ مىندەتى قالامىزدى ءارى قاراي وركەندەتۋدىڭ باسىمدىعى رەتىندە ايقىندالدى. «مارجان» سىندى جاڭا مازمۇنداعى ءبىلىم وشاقتارى شىمكەنتتىڭ عىلىم مەن ءبىلىم ورتالىعى رەتىندە تانىتۋعا قىزمەت ەتەدى دەگەن سەنىمدەمىز.