2021-2022 وقۋ جىلىندا شقو-دا 644 مەكتەپتە 194 476 بالا وقىپ جاتىر. سوڭعى قوڭىراۋ جوسپار ءبويىنشا-داستۇرلى تۇردە 25 مامىردا وفلاين فورماتتا وتەدى.

اتتەستاتتى سالتاناتتى تاپسىرۋ جانە ءبىتىرۋ 16-17 ماۋسىمعا جوسپارلانعان، ءىس-شارالار مەكتەپ قابىرعاسىندا وتەدى.

وبلىس بويىنشا 11 سىنىپتى 8860 وقۋشى اياقتايدى، ونىڭ ىشىندە "التىن بەلگى" بەلگىسىنە ۇمىتكەرلەر سانى – 564، ۇزدىك اتتەستاتقا ۇمىتكەرلەر سانى – 789.

11 سىنىپ وقۋشىلارى ءۇشىن ەمتيحاندار 27 مامىردا باستالىپ، 10 ماۋسىمعا دەيىن جالعاسادى. تۇلەكتەر بەس ءپان بويىنشا ەمتيحان تاپسىرۋى كەرەك. 8860 تۇلەكتىڭ 7510-ى ۇبت تاپسىرۋدى جوسپارلاپ وتىر.

بيىل مەملەكەتتىك ءبىلىم گرانتىنا ۇمىتكەرلەرگە ۇبت-عا 2 رەت قاتىسۋعا مۇمكىندىك بەرىلەدى. بۇل رەتتە، مەملەكەتتىك ءبىلىم بەرۋ گرانتىن الۋعا ارنالعان كونكۋرسقا قاتىسۋ ءۇشىن وقۋعا ءتۇسۋشى ەڭ جاقسى ناتيجەسى بار سەرتيفيكاتتى ۇسىنا الادى. ۇبت وتكىزۋ مەرزىمى 16 مامىردان 5 شىلدەگە دەيىن جالعاسپاق.