بيىل شقو-دا شارۋالار كۇننىڭ كۇرت جىلۋىنا بايلانىستى ەگىس جۇمىستارىن جىلداعىدان ەرتە باستادى. 2022 جىلى اۋىل شارۋاشىلىعى داقىلدارىنىڭ ەگىس الاڭى 1393،3 مىڭ گا قۇراپ،  وتكەن جىلمەن سالىستىرعاندا ديقاندار يگەرەتىن القاپتار كولەمى 14،6 مىڭ گا ارتتى.

بيىل شارۋالارعا مەملەكەت تاراپىنان  بولىنگەن سۋبسيديا كولەمى ەداۋىر ارتىپ، بەرەكەلى ەڭبەك ەتۋگە ىنتالاندىرىپ وتىر. كوكتەمگى ەگىس جانە ەگىن جيناۋ جۇمىستارى ناتيجەلى جۇرگىزۋ ءۇشىن اعىمداعى جىلى وبلىستىق بيۋدجەتتەن 6 ميلليارد تەڭگە سۋبسيديا ءبولىندى. ءوز كەزەگىندە  بۇل 2021 جىلعى دەڭگەيدەن 577 ميلليون تەڭگەگە ارتىق.

وڭىردە ءداندى جانە ءداندى-بۇرشاقتى داقىلدار 601،9 مىڭ گا، ونىڭ ىشىندە كۇزدىك داقىلدار 36،5 مىڭ گا، مايلى داقىلدار 484،7 مىڭ گا، ازىقتىق داقىلدار 274،4 مىڭ گا، كارتوپ 19 مىڭ گا، كوكونىستەر مەن باقشا ونىمدەرى 13،3 مىڭ گەكتار جەرگە ەكتى.

2022 جىلدىڭ ونىمىنە بارلىق داقىلداردىڭ تۇقىمىن سەبۋ كولەمى 109،9 مىڭ توننانى قۇرادى. وبلىس اگرارييلەرى كوكتەمگى دالا جۇمىستارى قارساڭىندا ءداندى، بۇرشاق داقىلدارى جانە كارتوپ تۇقىمدارىمەن تولىق قامتاماسىز ەتىلگەن.

سونىمەن قاتار كوكتەمگى دالا جۇمىستارى باستالعانعا دەيىن بارلىق تۇقىم ماتەريالى ساپا كورسەتكىشتەرى بويىنشا تەكسەرىلگەن بولاتىن. كوكتەمگى ەگىس جۇمىستارىنىڭ باستالۋىنا وبلىس شارۋاشىلىقتارىندا تراكتورلار، ەگىس جانە توپىراق وڭدەۋ تەحنيكالارى تولىق دايىندىقپەن كەلدى.

بەلگىلەنگەن جۇمىس كولەمىن ورىنداۋ ءۇشىن پاۆلودار مۇناي وڭدەۋ زاۋىتىنان تونناسىنا 212 مىڭ تەڭگە (180،0 تەڭگە/ليتر) بوساتۋ باعاسى بويىنشا 33 مىڭ توننا ارزانداتىلعان ديزەل وتىنى ءبولىندى. بولىنگەن 33 مىڭ توننا ديزەل وتىنىنىڭ كولەمىنەن ناۋرىز ايىنا 5 مىڭ توننا، ءساۋىر ايىنا 12 مىڭ توننا، مامىر ايىنا 11 مىڭ توننا جانە ماۋسىم ايىنا 5 مىڭ توننا بولىنبەك. وپەراتورلار ءۇشىن ساتۋ باعاسى 1 ليتر ءۇشىن 198-دەن 205 تەڭگەگە دەيىن بولادى.