شقو – سەرپىندى جوبالار، يننوۆاسيالىق تەحنولوگيالار، جوعارى كورسەتكىشتەر مەن رەفورمالار، باتىل يدەيالاردى ىسكە اسىرۋدا كوپكە ۇلگى بولىپ وتىرعان وڭىرلەردىڭ ءبىرى. وبلىستا دەنساۋلىق ساقتاۋ سالاسىنا دا وراسان كوڭىل ءبولىنىپ، بولاشاقتىڭ مەديسيناسى قالىپتاسۋدا.

وبلىستاعى دارىگەرلەر ۇلىبريتانيا، فرانسيا، يتاليا، يزرايل، تۇركيا سىندى مەديسينا سالاسى وزىق ەلدەردە بىلىكتىلىكتەرىن ۇشتاپ، بىلىمدەرىن جەتىلدىرۋدە. وڭىردەگى اۋرۋحانالار مەن ەمحانالار زاماناۋي قۇرالدارمەن جابدىقتالىپ، تۇرعىنداردىڭ  ساۋلىعىنا باسا نازار اۋدارۋدا. سونىڭ ءبىرى رەتىندە ايماقتاعى مەديسينالىق مەكەمەلەر بىرەگەي سيفرلىق دياگنوستيكالىق دەرەكتەردى ساقتاۋعا ارنالعان PACS جۇيەسىنە قوسىلۋىن ايتۋعا بولادى.

ەندى تۇرعىندار وزدەرىمەن بىرگە رەنتگەن جانە كت ناتيجەلەرىن تاسىپ جۇرمەيدى، ونىڭ بارلىعى اۆتوماتتى تۇردە PACS ءبىرىڭعاي جۇيەسىندە تىركەلەدى. دارىگەرلەر جۇيەگە ءموبيلدى قوسىمشا ارقىلى قول جەتكىزە الادى. بۇل – مەديسينا سالاسىنداعى وتە ماڭىزدى قادام.

PACS جۇيەسى پاسيەنتتىڭ دارىگەرگە قارالۋىن ەداۋىر جەڭىلدەتەدى. اۋداندا تەكسەرۋدەن وتكەن ناۋقاسقا كت نەمەسە رەنتگەن قاعازدارىن سۇيرەپ، قالاعا سابىلۋدىڭ قاجەتى جوق. وسكەمەندەگى ونكو­لوگيالىق ورتالىقتا سيفرلى دياگ­نوس­تيكالىق بەينەلەردى ساقتاۋعا جانە مۇ­راعاتتاۋعا ارنالعان PACS جۇيەسى جۇ­مىس ىستەپ تۇر. سونىڭ بازاسىندا كەڭەس قۇرى­لىپ، قۇرامىنا پۋلمونولوگتار، فتيزياترلار، ونكولوگتار، تراۆماتولوگتار جانە باسقا دا ماماندار كىرەدى.

بۇل – قازىرگى زامانعى جوعارى تەحنولوگيالىق مەديسينالىق كومەكتى دامىتۋداعى ۇلكەن سەرپىلىس. ەڭ باستىسى، جۇيە پاسيەنتتەردى ءارتۇرلى كلينيكالارعا بارۋعا ءماجبۇر ەتپەي، ۋاقىتتا ۇنەمدەيدى. جۇيەنىڭ ىشىندە بارلىق تەست ناتيجەلەرى، رەنتگەن جانە مرت سۋرەتتەرى جانە باسقالارى ساقتالعان. دەمەك ناۋقاس تۋرالى كەڭەيتىلگەن اقپارات دارىگەردىڭ الدىندا بولادى. بۇل – ناۋقاستارعا دياگنوز قويۋعا مۇمكىندىك بەرەتىن جاساندى ينتەللەكت.