قارجى مونيتورينگى اگەنتتىگى "قازمۇنايگاز" ۇلتتىق كومپانياسىنىڭ بۇرىنعى باسقارۋشى ديرەكتورى يبۋللا سەردىگە ىزدەۋ جاريالادى. بۇل تۋرالى قارجى مونيتورينگى اگەنتتىگى حابارلادى.
اگەنتتىكتىڭ حابارلاماسىندا يبۋللا سەردى الدىن الا ءسوز بايلاسىپ، سىبايلاستارىمەن بىرىگىپ اسا ءىرى مولشەردە سەنىپ تاپسىرىلعان بوتەننىڭ مۇلكىن جىمقىردى دەگەن كۇدىككە ىلىنگەنى ايتىلادى.
"قارجى مونيتورينگى اگەنتتىگى "قازمۇنايگاز" ۇك اق بۇرىنعى باسقارۋشى ديرەكتورى، 31.01.1976 جىلى تۋعان سەردى يبۋللا جۇماعۇلۇلىنا ىزدەۋ جاريالادى. ىزدەۋدەگى كۇدىكتىنى انىقتاعان نەمەسە ونىڭ شامامەن ورنالاسقان جەرى تۋرالى قانداي دا ءبىر اقپارات العان كەزدە اگەنتتىكتىڭ +7 7172 708 478، +7 7172 767 921 سەنىم تەلەفوندارىنا حابارلاۋدى سۇرايمىز. نەمەسە نۇر-سۇلتان قالاسى بەيبىتشىلىك كوشەسى، 10 مەكەنجايى بويىنشا اقپارات بەرۋگە بولادى"،دەلىنگەن اگەنتتىك حابارلاماسىندا.
پىكىر قالدىرۋ