مەملەكەت باسشىسىنىڭ جارلىعىمەن اسلان ەسبولاي ۇلى مۋسين باسقا جۇمىسقا اۋىسۋىنا بايلانىستى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى قىزمەتىنەن بوساتىلدى دەپ حابارلايدى Akorda.kz. ەستەرىڭىزدە بولسا "جاڭا وزەن" وقيعاسىمەن ىلە-شالا نازارعا ىلىككەن رىسقلييەۆتەر ءىسى ەلدى ءبىراز دۇرلىكتىرگەن ەدى. ولاردىڭ تىزگىن ۇستارى رەتىندە اسلاننىڭ اتى اتالعان. ەندى سول ءمۋسيننىڭ ءوزى دە مۇلدەم كەتكەن كورىنەدى..

اسلان ءمۋسيننىڭ بيوگرافياسى: 

1954 جىلعى 2 قاڭتاردا اقتوبە وبلىسى العا اۋدانى بەستاماق اۋىلىندا دۇنيەگە كەلگەن.

ۇيلەنگەن، ءۇش بالاسى بار.

1975 جىلى الماتى حالىق شارۋاشىلىعى ينستيتۋتىن ەكونوميست ماماندىعى بويىنشا ءبىتىردى.

ەڭبەك جولىن 1975 جىلى اقتوبە وبلىسىنىڭ ستاتيستيكا باسقارماسىندا باستادى.

1976-1977 جىلدارى كەڭەس ارمياسى قاتارىندا ازاماتتىق بورىشىن وتەدى.

1977 جىلعى مامىر-1979 جىلعى قاڭتار ارالىعىندا اقتوبە وبلىسىنىڭ ستاتيستيكا باسقارماسىندا قىزمەتىن جالعاستىردى.

1979-1991 جىلدارى اقتوبە وبلىستىق پارتيا كوميتەتىندە نۇسقاۋشىدان حاتشىعا دەيىنگى لاۋازىمداردى اتقاردى.

1991-1993 جىلدارى – قازاقستان رەسپۋبليكاسى مونوپولياعا قارسى كۇرەس مەملەكەتتىك كوميتەتىنىڭ اقتوبە وبلىسى بويىنشا ءتوراعاسى.

1993 جىلعى ماۋسىم - 1994 جىلعى جەلتوقسان ايلارى ارالىعىندا – اقتوبە وبلىسى اكىمشىلىگى باسشىسىنىڭ ورىنباسارى، ءبىرىنشى ورىنباسارى – وبلىستىق ەكونوميكا باسقارماسىنىڭ باستىعى.

1994 جىلعى جەلتوقسان - 1995 جىلعى قىركۇيەك ارالىعىندا – اقتوبە وبلىستىق ەكونوميكا باسقارماسىنىڭ باستىعى.

1995 جىلعى قىركۇيەك - 2002 جىلعى ءساۋىر ارالىعىندا – اقتوبە وبلىسىنىڭ اكىمى.

2002 جىلعى ءساۋىر - 2006 جىلعى قازان ارالىعىندا – اتىراۋ وبلىسىنىڭ اكىمى.

2006 جىلعى 4 قازاننان باستاپ قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ءمينيسترى بولىپ تاعايىندالدى. 2007 جىلعى 10 قاڭتاردان باستاپ وسى لاۋازىمدى قازاقستان رەسپۋبليكاسى ۇكىمەتىنىڭ ۆيسە-پرەمەرى لاۋازىمىمەن قوسا اتقاردى.

2007 جىلعى 18 تامىزدا كەزەكتەن تىس سايلاۋدا «نۇر وتان» حالىقتىق دەموكراتيالىق پارتياسىنان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ سايلاندى.

2007 جىلعى 2 قىركۇيەك - 2008 جىلعى 13 قازان ارالىعىندا – قازاقستان رەسپۋبليكاسى پارلامەنتى ءماجىلىسىنىڭ ءتوراعاسى.

2008 جىلعى 13 قازاننان باستاپ قازاقستان رەسپۋبليكاسى پرەزيدەنتى اكىمشىلىگىنىڭ باسشىسى. 2009 جىلعى 15 مامىردان باستاپ «نۇر وتان» حدپ ساياسي كەڭەسىنىڭ جانە بيۋروسىنىڭ مۇشەسى.

2012 جىلعى 21 قىركۇيەكتەن باستاپ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى.

«قۇرمەت»  (1999 )، III دارەجەلى «بارىس» (2004)، II دارەجەلى «بارىس» (2010) وردەندەرىمەن، مەرەيتويلىق جانە ەستەلىك مەدالدارىمەن، سونداي-اق «حالىقتار دوستىعى» وردەنىمەن (رف، 2004) ماراپاتتالعان.