تىركەلمەگەن دەموكراتيالىق پارتيانىڭ وكىلى، قۇقىققورعاۋشى، جۋرناليست ينگا يمانباي ءماجىلىس سايلاۋىنا كانديدات رەتىندە تىركەلگەنىن راستايتىن سايكەس قۇجاتتى الدى.
"جاڭا عانا الماتىداعى ءبىر مانداتتى №3 سايلاۋ وكرۋگىنەن ءماجىلىس دەپۋتاتتىعىنا ۇمىتكەر دەگەن قۇجاتىمدى الدىم. اللا بۇيىرتسا، ەرتەڭ ساعات 18-00 سايلاۋ الدى ۇگىت ناسيحات جۇمىسى باستالادى. بارلىق ماسەلەنى سول كەزدە ايتارمىز. ءادىل، اشىق سايلاۋ بولسا، كۇرەسكە ءبىز دايىنبىز!" دەدى جۋرناليست facebook پاراقشاسىندا.
ينگا يمانباي ماجىلىسكە الماتى قالاسىنداعى №3 سايلاۋ وكرۋگىنەن ماجوريتارلىق ءتارتىپ بويىنشا ءوزىن-وزى ۇسىنعانداردىڭ ءبىرى.
بيىلدان باستاپ پارلامەنت ارالاس جۇيە بويىنشا جاساقتالادى. جاڭا قۇرامنىڭ 70 پايىزىن پارتيالىق ءتىزىم بويىنشا سايلانعاندار، 30 پايىزىن ماجوريتارلىق ءتارتىپ بويىنشا سايلانعاندار قۇراماق.
پىكىر قالدىرۋ