بۇرىنعى مادەنيەت جانە سپورت ءمينيسترى ارىستانبەك مۇحامەدي ۇلى سوتتاعى سوڭعى ءسوزىن ايتتى.
ول وزىنە تاعىلعان ايىپتاردى مويىندامايتىنىن ايتىپ، "سوت كەزىندە اقشا جىمقىرعانىن دالەلدەيتىن بىردە–ءبىر ايعاق بولماعانىن" اتاپ ءوتتى.
"قۇرمەتتى سوت! مەن كەز كەلگەن جازاعا كەلىسەمىن، ءتىپتى، اتىپ تاستاسا دا مەيلى – ءبىراق تەك اقشا جىمقىرۋ ەمەس. قازاقتىڭ كەرەمەت ماقالى بار. ولىمنەن ۇيات كۇشتى"– دەدى بۇرىنعى مينيستر.
ارىستانبەك مۇحامەدي ۇلىنىڭ ءىسى بويىنشا كەلەسى سوت وتىرىسى 19 ماۋسىمعا قالدى.
ەسكە سالا كەتەيىك، مۇحامەديۇلىنا استاناداعى ۇلتتىق مۋزەي ديرەكتورى لاۋازىمىن اتقارىپ جۇرگەندە "بيۋدجەت قارجىسىن جىمقىردى" دەگەن ايىپ تاعىلعان بولاتىن.
پىكىر قالدىرۋ