تانىمال ءانشى ءمادينا ءسادۋاقاسوۆا ەنەسىمەن تاتۋ بولعىسى كەلەتىن كەلىندەرگە كەڭەس بەردى. بۇل تۋرالى "قامشى" پورتالى  «انا بول» سايتىنا سىلتەمە جاساي وتىرىپ حابارلايدى.

ولجاس اتتى رەجيسسەر جىگىتتىڭ جارى اتانعان ءمادينا ءوزىنىڭ كەلىندىك تاجىريبەسىندەگى قۇندى كەڭەستەرمەن ءبولىسىپ، ەنەمەن تاتۋ بولۋدىڭ جولدارىن اتاعان.

1. “جىلى-جىلى سويلەسەڭ، جىلان ىنىنەن شىعادى”

ەنە عانا ەمەس، جالپى ادامنىڭ كوڭىلىن تابۋدىڭ ءبىر ءتاسىلى – جاقسى ءسوز، مەيىرىمدىلىك. ءارقاشان دا كوڭىلىنە قاراپ سويلەۋ يماندىلىق بەلگىسى سانالماق. ياعني، ەنەڭىزدىڭ مىنەزىن جاقسى بىلگەنىڭىز دۇرىس، كوڭىل-كۇيىن اڭعارىپ، مەيىرىم-شۋاعىڭىزدى توگىڭىز، جاقسى سوزدەر عانا جاندى جىلىتاتىنىن ۇمىتپاڭىز.

2. كىشىپەيىل بولىڭىز

“ۇلكەنگە قۇرمەت، كىشىگە ىزەت” بىلدىرگەننىڭ ارتىقتىعى جوق. ۇنەمى اعايىن-تۋعانمەن قارىم-قاتىناسىڭىز جاقسى بولىپ، سىيلاستىق تانىتىڭىز. ءسىزدىڭ جاقسى بولعانىڭىزدان ەنەڭىزدىڭ ءقادىرى ارتادى.

3. توزىمدىلىك

ارينە، ءاردايىم سابىرلى بولىپ، بارىنە ءتوزىپ جالىققان بولارسىز. دەسە دە، ءبىر جاماندىق ارتىنان ءبىر جاقسىلىق بار. سوندىقتان، اشۋ شاقىرىپ، مىنەز كورسەتۋدەن اۋلاق بولىڭىز. ءار نارسەنىڭ قايىرى بار. سابىر ەتىپ، توزىمدىلىك تانىتساڭىز ءبارى ءوز جولىمەن جۇرەدى.

4. سىيلىقتار جاساڭىز

ەنەڭىزگە ۇنەمى كوڭىل ءبولىپ، سىيلىق بەرىڭىز. ال سىيلىق العان كىمگە دە بولماسىن ۇنايدى ەمەس پە؟