حالىقارالىق "نوۆايا ۆولنا-2015" بايقاۋىندا ءۇشىنشى بايقاۋ كۇنى اياقتالدى، ونىڭ قورىتىندىسى بويىنشا لاۋرەاتتار انىقتالدى. قازاقستاننىڭ نامىسىن قورعاعان ءانشى ادەمي ەكىنشى ورىندى قانجىعالاپ كەلدى. بۇل تۋرالى "قامشى" پورتالى Tengrinews.kz -كە سىلتەمە جاساي وتىرىپ حابارلايدى.

وسىعان دەيىن قازاقستاندىقتار "كورەرمەندەر كوزايىمى" جانە "اللا پۋگاچيەۆانىڭ ارنايى جۇلدەسى" سەكىلدى سىيلىقتارعا يە بولىپ كەلگەن . ال، ۇشتىككە جاقىنداي العاندار Rin’Go (4-ورىن)، قايرات تۇنتەكوۆ (4-ورىن) جانە The Jigits توبى (4-ورىن).

كونكۋرستىڭ سوڭعى كۇنى قاتىسۋشىلار ءوز رەپەرتۋارىنداعى اۆتورلىق اندەرىن ورىندادى. جاس ءانشى ادەمي (دينارا قايىروۆا) "پوسلەدنيايا ۆەسنا" ءانىن ورىندادى، بۇل ءاندى وعان تانىمال كومپوزيتور رەنات گايسين ارنايى جازىپ بەرگەن بولاتىن. كومپوزيسيانى ول باتىرحان شۇكەنوۆكە ارنادى. قازىلار القاسىنان جوعارى ۇپاي العان ول ەكىنشى ورىندى يندونەزيالىق قاتىسۋشى ميلاين فەرناندەزبەن ءبولىپ الدى.     

بايقاۋدا حورۆات ءانشىسى دامير كەدزو جەڭىسكە جەتتى. ايتا كەتەيىك، بارلىق قاتىسۋشى سوچيدە ءۇش اپتادان استام ۋاقىت وتكىزدى، ولار بايقاۋعا دايىندالىپ قانا قويماي، ۋاقىتتارىن قىزىقتى وتكىزىپتى. ماسەلەن، ءانشى ادەمي ءبىرىنشى رەت فۋتبول ويناعان.