نان باعاسى بىردەن 30 پايىزعا وسەتىن بولدى. جاماننىڭ ساندىراعى كەلەدى دەگەن راس-اۋ. وسىدان ءبىرشاما ۋاقىت بۇرىن ايقىن قوڭىروۆ دەگەن ءبىر دەپۋتات ناننىڭ قۇنىن اتاسىمەن ولشەپ، تۇپ-تۋرا 300 تەڭگە تۇرۋ كەرەك دەپ كەسكەن بولاتىن.

            نەگە دەسەڭىز ەۋروپادا نان قىمبات-مىس. دەپۋتات شىراق سول كەزدە قازاقستان مەن ەۋروپانىڭ ايلىق ەسەپتەگىش كورسەتكىشتەرىن سالىستىرمادى ما ەكەن؟ ماقۇل دەلىك. وزىنە جاسالعان پيار ما، الدە باسقا ما ۇلارداي شۋلادى دا تىندى جۇرت.

            ەندى مىنە ءسال عانا ۋاقىتتان سوڭ ناننىڭ قۇنى قايتا وسەدى دەگەن ۇكىم شىعىپ وتىر جانە بىردەن 30 پايىزعا. ناننىڭ قۇنى بۇعان دەيىن ءار وڭىردە 35-70 تەڭگە ارالىعىندا بولاتىن. ەندىگى كەزەك بيدايدىڭ قۇنى 47 تەڭگەگە دەيىن وسكەن. دەمەك، نان دا قىمباتتايدى.

            اۋىل شارۋاشىلىق ءمينيسترى بيدايدىڭ قۇنىن ۇستاپ تۇرۋ مۇمكىن ەمەس دەيدى. تەڭگە ەركىن اينالىمعا كەتكەن كەزدە باعانى قالىپتا ۇستايمىز دەگەندەر قايدا؟ سوزىندە بەرىك بولا الماسا بيلىكتە نەگە وتىر؟

            قوڭىروۆتى نەگە ەسكە الدىق دەيسىز عوي، بۇرىننان كەلە جاتقان ءبىر ساياسي ويىن بار. قىسقاشا بارىسى مىناداي. بيزنەس ەليتانىڭ ەڭ كوپ قولداناتىن تاكتيكاسى دەسەك تە بولادى. ەگەر اكسيانى 5 پايىزعا كوتەرۋ كەرەك بولسا، بىردەن 10 پايىزعا كوتەرۋ كەرەك. قول استىڭداعىلار  دۋ ەتە قالادى. شۋ بولادى. اقىرى ماملە جاسالۋ كەرەك بولادى. سودان سوڭ ماقۇل دەپ 5 پايزعا تۇسىرەدى. جوسپار دا ورىندالدى، قول استىنداعىلار دا دەگەنىمىز بولدى دەپ ءماز!

            ماقۇل 300 تەڭگەگە ەمەس، 30-اق پايىزعا وسەدى دەپ ءبىز ءماز بولايىق.

            P.S. قانشا دەگەنمەن، بۇعان دا «تۇسىنىستىكپەن» قارايىق. بيدايى كوپ ەلدىڭ ارزان نان جەۋى- «ۇيات قوي» ءقايتسىن!