كوپشىلىك كاسىپكەر دۋلات تاستەكەيدى قازاق ءتىلىنىڭ جانشىرى جاقسى تانيدى. ول ءوزى باسقاراتىن كومپانيادا قىزمەتكەرلەردىڭ قازاق تىلىندە سويلەۋىن تالاپ ەتىپ قانا قويماي، قازاق ءتىلىنىڭ دامۋىنا قاتىستى جوبالارعا دەمەۋشىلىك ءبىلدىرىپ كەلەدى. سونداي-اق ول ورىس تىلدەرىندەگى ءىس-قاعازداردى دا قازاقشالاعان.

• ءتىلىن جوعالتقان حالىقتىڭ بولاشاعى قۇردىمعا كەتەەتىنى اششى دا بولسا، اقيقات. «ۇلت ساناسى – ءتىل» دەپ تەگى ايتىلماعان. سول سەبەپتى، سان عاسىرلار بويى ارمان بولعان تاۋەلسىزدىگىمىزگە قول جەتكىزىپ، ەگەمەندى ەل اتانعان قازاقستان مەملەكەتىنىڭ نىشانى – انا ءتىلىمىزدى بۇكىل تىرشىلىگىمىزدىڭ ءتۇپ قازىعىنا اينالدىرۋ ءاربىر ۇلتجاندى ازاماتتىڭ باستى مىندەتى. مەن ەل پرەزيدەنتى قاسىم-جومارت كەمەل ۇلىنىڭ باستاماسىن قولداپ، جاڭادان قۇرىلعان Qazaq Tili Endowment قورىنا ASSYLTAS قوعامدىق قورىنان 100 ملن.تەڭگە اۋداراتىنىمدى حابارلايمىن، – دەيدى دۋلات تاستەكەي.

 بۇل قوردىڭ باستى مىندەتى – مەملەكەتتىك ءتىلدى قولداۋ جانە دامىتۋمەن اينالىساتىن ەلىمىزدەگى ەڭ ءىرى ۇيىم – "قازاق ءتىلى" قوعامىنىڭ تۇراقتى ءارى ۇزاقمەرزىمدى دامۋىن قامتاماسىز ەتۋ. سونداي-اق ەنداۋمەنت قورىنداعى جينالعان قارجى جۇمسالمايدى. قورداعى قاراجات باسقارۋعا بەرىلەدى جانە ينۆەستيسياعا قۇيىلادى. ينۆەستيسيالىق قىزمەتىنەن تۇسكەن تابىس "قازاق ءتىلى" قوعامىنىڭ جارعىلىق مىندەتتەرىنە جۇمسالادى.