وسىدان 2 جىل بۇرىن ءتىل ساياساتى كوميتەتىنىڭ قولداۋىمەن قازاق ءتىلىنىڭ اياسىن كەڭەيتۋگە قاتىستى زاڭ قابىلدانعان ەدى.

ءتىل مارتەبەسىنە باعىتتالعان زاڭ قازاق ءتىلىنىڭ مەرەيىن ءوسىرىپ، كەز-كەلگەن ورتادا قازاق تىلىندە قىزمەت ەتۋدى تالاپ قىلا الاتىنداي جاعدايعا جەتتىك دەپ قۋانىپ ەدىك.

ەندى كەشە ونەركاسىپ جانە قۇرىلىس مينيسترلىگى "مەملەكەتتىك ورگانداردىڭ اتاۋى جازىلعان ماڭدايشالاردى دايىنداۋ جانە ولاردى اكىمشىلىك عيماراتتاردا ورنالاستىرۋ قاعيدالارىن بەكىتۋ تۋرالى №114 بۇيرىقتى" قابىلداپتى. وعان ۆيسە-مينيستر يران شارحان قول قويعان.

ياعني، شارلاپايەۆ كەلىپ، "ماڭدايشالار تەك قازاق تىلىندە عانا ەمەس، مىندەتتى تۇردە ورىس تىلىندە قاتار جازىلۋ كەرەك". سونداي-اق ماڭدايشاعا مەكەمە اتاۋىن تەك قانا مەملەكەتتىك تىلدە جازۋعا، لاتىن ءارپىن قولدانۋعا تىيىم سالىنىپتى.

بۇل ەندى ەلىمىزدەگى بارلىق مەملەكەتتىك مەكەمە ورىس ءتىلىن قولدانۋى مىندەت دەگەن ءسوز. قازاقتىڭ ەلىندە قازاقتىڭ بۇيرىعىمەن قور بولعان قازاقتىڭ ءتىلى.

– وسىدان ەكى جىل بۇرىن جەلتوقسان ايىندا ءتىل تۋرالى ارنايى زاڭ قابىلداندى. بۇكىل جارناما، ەل، جەر، ەلدىمەكەن، جەر-سۋ اتاۋلارى، اسحانا، تويحانالاردىڭ اس مازىرلەرى مىندەتتى تۇردە قازاق تىلىندە جازىلۋى كەرەك دەپ پارلامەنتتە تالقىلانىپ، قابىلدانعان. ول زاڭ ءبىراق "يت ۇرەدى، كەرۋەن كوشەدى" كۇيى قالدى. ەسكەرۋسىز قالدى، ەشكىم ەلەمەك تۇگىلى، ول زاڭنىڭ بارىن دا بىلمەيدى. ونەركاسىپ مينيسترلىگىنىڭ بۇل بۇيرىعى دا جايىنا قالسا ەكەن. ويتكەنى نەگىزگى زاڭ ورىندالماي وتىر. بىزدەگى بارلىق مەكەمەلەردە ءىس-قاعازداردىڭ ءبارى ونسىز دا ورىس تىلىندە جازىلىپ ءجۇر عوي.

مەن ورىس ءتىلىنىڭ مىندەتتى بولۋىنا قارسىمىن. قازاقستاندا تەك قانا قازاق ءتىلى دارا ءجۇرۋى كەرەك. ەگەر زاڭدا قازاق تىلىندە جازىلۋى كەرەك دەپ، ال ءىس جۇزىندە قازاق ءتىلى قولدانىلماسا، وندا ورىس ءتىلىن الىپ تاستايتىن كەز كەلدى. 34 جىلدا ۇيرەنبەگەن ءتىلىمىزدى بۇلار ەندى ۇيرەنبەيدى دە. بيلىكتەگىلەرگە كەزىندە قازاق ءتىلىن ۇيرەنۋگە ۋاقىت تا بەرىلگەن. ءبىراق ۇيرەنگەن ەشكىمدى كورمەدىم. سوندىقتان دا حابارلاندىرۋ دا، ماڭدايشاداعى تاقتايشا دا تەك قازاق تىلىندە عانا جازىلۋى كەرەك، – دەيدى ءتىل جاناشىرى بەيبىت وسپان.