وسىدان شامامەن بار جوعى 10 كۇن بۇرىن عانا ەۋرو وداق تۇركيانى قاتارىنا قوسۋدان ۇزىلدى-كەسىلدى باس تارتقان بولاتىن. ەندى، مىنە، بريۋسسەل انكاراعا قۇشاعىم اشىق دەپ جار سالدى. كۇننىڭ رايىندا قۇبىلعان ساياساتتىڭ بۇل جولعى ارەكەتى سيريا بوسقىندارىنا توتەپ بەرە الماۋىنا تىرەلىپ وتىر. ءتۇيىنى وسى. ەگەر انكارا بوسقىنداردى ەنگىزۋگە كەلىسىمىن بەرسە، تۇركيا 2016 جىلدا ەو-نىڭ مۇشەسى بولىپ شىعا كەلمەك.  مەركەل ەردوعانمەن انكارادا وتكەن رەسمي كەزدەسۋ بارىسىندا مالىمدەگەن بولاتىن. بۇل تۋرالى "قامشى" پورتالى Euronews-كە سىلتەمە جاساي وتىرىپ حابارلايدى.

            بريۋسسەل مەن انكارا اراسىنداعى كەلىسىم شارت جۇمىستارى دەرەۋ باستالاتىن بولدى. الدىمەن اقشا ياعني، ەكونوميكالىق بايلانىستى ءبىر جاقتى ەتىلەدى. قالعانى ءبىر جىل ىشىندە تۇيىندەلۋى ءتيىس.

            ءبىراق ەكەۋارا قاتىناس وڭاي شەشىلە قالدى دەۋ قيىن. تۇركيا ءوز تاراپىنان ەۋرو وداقپەن قاتىناستارىن تۇزەگىسى كەلەدى. بريۋسەل بولسا ەردوعانعا سيريانىڭ بوسقىندارىن قابىلداپ الۋدى تاپسىرىپ وتىر. ول ءۇشىن 3  ميلليارد ەۋرو بولمەكشى. ءبىراق تۇركيانىڭ شەنەۋنىكتەرى بۇل سومانى جەتكىلىكسىز دەپ تابۋدا. سەبەبى انكارا قاراماعىندا بۇگىننىڭ وزىندە 2 ميلليوننان استام ميگرانت كۇن كەشۋدە.

            تۇركيا ەو-عا كىرگەن جاعدايدا ءبىرشاما جاعدايىن تۇزەپ الار ەدى. بىرىنشىدەن، انكارا ءقاۋىپسىز ەلدىڭ استاناسىنا اينالادى. ال، تۇركيادا تۋريزم داميتىن بولادى. سەبەبى ەو ۆيزاسىنىڭ قۇرامىنا كىرەدى.

            ءدال ءقازىر تۇركيانىڭ ەو-عا تولىق مۇشە بولۋىنا ۇلكەن كەدەرگى تۇر. وعان سەبەپ كيپر مەن تۇركيا اراسىندا ارالدىڭ سولتۇستىك بولىگىنە قاتىستى داۋ. ەگەر بۇل تۇيتكىلدى ماسەلە شەشىلەتىن بولسا، تۇركيانىڭ ەو قاتارىنا قوسىلاتىن كۇن ودان سايىن جاقىنداي تۇسپەك.

ايان ازامات