ۇلتتىق بانكتىڭ ءتوراعاسى قايرات كەلىمبەتوۆ الداعى بەس جىلدا مۇناي باعاسىنىڭ كوتەرىلۋى مۇمكىن ەكەندىگىن مالىمدەدى، - دەپ حابارلايدى «قامشى پورتالى»Tengrinews.kz-كە سىلتەمە جاساپ.

پارلامەنت ءماجىلىسىنىڭ وتىرىسىنان كەيىن ول بۇگىنگى تاڭداعى تەڭگە باعامىنىڭ لايىقتى ەكەنىن تاعى دا اتاپ ءوتتى. 

"ەندى نە بولادى؟ (...) مەنىڭشە، كورشىلەرىمىزدى ءجىتى باقىلاپ وتىرسىزدار، رەسەيلىك رۋبل 44، كەيىن 80، ودان كەيىن 60-قا ءتۇستى. بۇل ديۆەرسيفيكاسيالانعان ەكونوميكا، بىزگە مۇنداي قۇبىلمالىلىق قيىندىق تۋعىزادى. سوندىقتان ۇلتتىق بانك ينتەرۆەنسيالارعا قاتىسۋى ارقىلى، قاجەت بولعاندا، جالپى العاندا تەڭ جاعدايدى ۇستاپ وتىر. تاڭەرتەڭ 277 تەڭگە شاماسىندا بولعان باعامدى قازاقستاندىق ەكونوميكاعا قاجەت لايىقتى باعام دەپ ەسەپتەيمىز"، - دەپ ءتۇسىندىردى كەلىمبەتوۆ. 

"قازاقستاندىق ەكونوميكا بۇعان قاشان بەيىمدەلەدى؟ ينفلياسيالىق تارگەتتەۋدەن كەيىن، ادەتتە 6 ايدان 12 ايعا دەيىن ءقايسىبىر ەكونوميكا بولماسىن، جاڭا ەكونوميكاعا، جاڭا اقشا-كرەديت ساياساتىنا بەيىمدەلەدى. تەڭگە باعامىنىڭ قانداي بولاتىنى مىنا فاكتورلارعا تاۋەلدى: ەڭ باستى فاكتور - مۇناي باعالارى. (...) ەگەر مۇناي باعاسى 50 شاماسىندا بولسا، وندا تەڭگە وسى قالپىندا ساقتالادى. ەگەر مۇناي باعالارى تۇسە باستاسا، كورشىلەرىمىزدىڭ ەكونوميكاسى رەسەسسيادا بولسا، ءبىز بولساق ەندىگى ەركىن اۋىتقۋ باعامىنا وتتىك، بۇل ارقىلى ءبىز شوكتاردى ابسورباسيالايمىز جانە مۇنىمەن ارەكەتتەسە الامىز. ال ەگەر مۇناي باعاسى كوتەرىلە باستاسا، ادەتتە باعا 3-5 جىلدىق پەرسپەكتيۆادا وسەدى، تەڭگە نىعايا تۇسەدى. بارلىعى العان تابىسىنا قۋانىپ، ساتا باستايدى"، - دەدى كەلىمبەتوۆ. 

ايتا كەتەيىك، پارلامەنت ءماجىلىسى "استانا" حالىقارالىق قارجى ورتالىعى تۋرالى" زاڭ جوباسىن ماقۇلدادى. زاڭ جوباسىن ۇلتتىق بانكتىڭ ءتوراعاسى قايرات كەلىمبەتوۆ تانىستىردى. ق ر "استانا" حالىقارالىق قارجى ورتالىعى تۋرالى" كونستيتۋسيالىق زاڭ جوباسىندا ونىڭ انگليا مەن ۋەلستىڭ پروسەسسۋالدىق قاعيداتتارى مەن نورمالارىنا جانە (نەمەسە) الەمنىڭ جەتەكشى قارجى ورتالىقتارىنىڭ ستاندارتتارىنا نەگىزدەلۋگە ءتيىس ەكەندىگى ايتىلعان.

19 قازاندا قازاقستان پرەزيدەنتى نۇرسۇلتان نازاربايەۆ اقوردادا ق ر پرەمەر-مينيسترى كارىم ءماسىموۆتى قابىلداعان بولاتىن. سول كەزدە پرەزيدەنت بۇگىندە رەسپۋبليكا ەكونوميكاسى كۇردەلى رەجىمدە جۇمىس ىستەپ جاتقانىنا نازار اۋداردى.

"2007-2009 جىلدارداعىدان دا كۇشتى، ناعىز داعدارىس دەندەپ كەلەدى. وسىعان بايلانىستى ۇكىمەتكە تالداۋ جاساۋدى، داعدارىسقا قارسى جۇمىستاردىڭ جوسپارىن ازىرلەۋدى، قاجەتتى شارالاردى بەلگىلەپ، ونى حالىققا جەتكىزۋدى تاپسىرامىن"، - دەدى نازاربايەۆ.