ايتەۋىر، جاقسىنىڭ ءقادىرى قاشقان كۇن...
.كوسموناۆتيكانى دامىتۋعا ءسىڭىرگەن ەڭبەگى، «سويۋز تما-16م» عارىش كەمەسىندە ۇشۋ باعدارلاماسىن تابىستى ورىنداعانى ءۇشىن قازاقستان رەسپۋبليكاسىنىڭ عارىشكەرى ايدىن اقان ۇلى ايىمبەتوۆ «قازاقستاننىڭ عارىشكەر-ۇشقىشى» قۇرمەتتى اتاعىن الدى.
ەلباسى: «ايدىن ايىمبەتوۆتىڭ ساپارى - ەلىمىزدىڭ بيىك مارتەبەسى مەن ەڭ اسقاق بەلەستەردىڭ ءوزىن باعىندىرا الاتىن ماقساتكەرلىگىن كورسەتتى» – دەپ، قازاقتىڭ ءۇشىنشى عارىشكەرى ايدان ايىمبەتوۆكە ەلىمىزدىڭ ەڭ مارتەبەلى «حالىق قاھارمانى» اتاعىن بەردى.
ەل بولىپ قۋانىپ، ۇلت بولىپ ۇلىقتاپ جاتىرمىز. دۇرىس. ايىمبەتوۆتىڭ ەڭبەگى زور، قۇرمەتتەلۋى ءجون...
ايتكەنمەن، قازاقتا «تۇڭعىش» دەيءتىن ءبىر تانىم مەن تەكتىلىك بار ەمەس پە ەدى؟.. ادىلدىكتىڭ اق جالاۋىن جەلبىرەتىپ، ادالدىق تۇرعىسىنان كەلسەك، الدىمەن، قازاقتىڭ تۇڭعىش عارىشكەرى توقتار اۋباكىروۆكە لايىقتى عوي – «حالىق قاھارمانى»! بۇعان بىرەۋدىڭ داۋى مەن دايەگى بار ما، قارسى ايتاتىن؟..
ەلباسىنىڭ قازاقستاننىڭ ءۇش عارىشكەرىمەن بىرگە تۇسكەن سۋرەتىن كورىپ، كوڭىل دەمدەسەك تە، كوكەيىمىزدە سالماقتى سۇراق قالدى: «ناعىز قاھارمانىمىز توقتار اۋباكىروۆ ءقازىر قايدا ءجۇر؟!.» – دەگەن...
...اتتەڭ، جاقسىنىڭ ءقادىرى قاشقان كۇن-اي دەسەڭشى!..
ماحامبەتتىڭ ەسكە تۇسكەن ۇزىك-ۇزىك ولەڭ جولدارى قاشاندا ومىرشەڭ-اۋ...
«مەن - مەن ەدىم، مەن ەدىم!
مەن نارىندا جۇرگەندە،
ەڭىرەگەن ەر ەدىم.
يساتايدىڭ بارىندا،
ەكى تارلان ءبورى ەدىم.
قاي قازاقتان كەم ەدىم؟
ءبىر قازاقپەن تەڭ ەدىم...
...ەدىلدىڭ بويى ەن توعاي –
ەل قوندىرسام دەپ ەدىم.
جاعالاي جاتقان سول ەلگە،
مال تولتىرسام دەپ ەدىم...
...مەن نارىندا جۇرگەندە،
ەڭىرەگەن ەر ەدىم.
...ەرەگىسكەن دۇشپانعا
قىزىل سىرلى جەبە ەدىم.
جاقسىلارعا ەپ ەدىم،
جاماندارعا كوپ ەدىم...»
قاجىمۇقان عابدوللا
