بۇعان كومپانيالاردىڭ جەلتوقسان ايىنان باستاپ تاريفتىك پاكەتتەردىڭ قىمباتتايتىنى تۋرالى ابونەنتتەرگە ەسكەرتۋى سەبەپ بولدى. اگەنتتىك جىل ىشىندەگى باعا ديناميكاسىنا تالداۋ جۇرگىزىپ، قۇقىقتىق باعاسىن بەرەتىنىن مالىمدەدى. ءقازىر ءۇش كومپانياعا قاتىستى تەرگەۋ وتكەن جىلدىڭ باعا تەكسەرىسىنەن كەيىن جۇرگىزىلىپ جاتىر. ولار كسەلل" اق، "موبايل تەلەكوم-سەرۆيس" ج ش س (Tele2/Altel) جانە "كار-تەل".
ج ش س (Beeline) وپەراتورلارىنا قاتىستى كاسىپكەرلىك كودەكستىڭ 170-بابى (نارىق سۋبەكتىلەرىنىڭ باسەكەلەستىككە قارسى كەلىسىلگەن ارەكەتتەرى) بويىنشا تاريفتەردىڭ كەلىسىلگەن تۇردە كوتەرىلۋىنە قاتىستى تەرگەپ-تەكسەرۋلەردى باستاعانى ايتىلدى.
"سونىمەن قاتار ۇيالى بايلانىس وپەراتورلارىنىڭ تاريفتىك جوسپارلاردا ءبىر مينۋتتىق قوڭىراۋ قۇنىنىڭ 18 تەڭگە مولشەرىندە بىردەي باعاسىن بەلگىلەۋ ارەكەتتەرىندە قۇقىق بۇزۋشىلىق بەلگىلەرى انىقتالعانىنا بايلانىستى، وپەراتورلارعا وسى بەلگىلەردى جويۋ تۋرالى حابارلامالار جىبەرىلدى. حابارلامالاردا باعانى نەگىزدەلگەن تۇردە تومەندەتۋ قاجەتتىگى كورسەتىلگەن. ۇيالى بايلانىس وپەراتورلارى قابىلدانعان شارالارعا قاتىستى سوت ورگاندارىنا شاعىم ءتۇسىردى. وسىعان بايلانىستى تەرگەۋ ىستەرى ءتيىستى سوت شەشىمدەرى قابىلدانعانعا دەيىن توقتاتىلدى"، – دەلىنگەن حابارلامادا.
2024 جىلعى 19 قاراشادا ەلورداداعى اگەنتتىكتىڭ دەپارتامەنتى "كار-تەل" جشس-عا قاتىستى ءۇي ينتەرنەتىنىڭ جىلدامدىعىن تاريفتىك پاكەتتەردە تاڭداۋعا تۇتىنۋشىلاردى شەكتەۋ ارقىلى ۇستەم جاعدايدى تەرىس پايدالانۋ بەلگىلەرىن جويۋ تۋرالى حابارلاما شىعارعان. سونىمەن قاتار "قازاقتەلەكوم" اق-عا قاتىستى وسىنداي زاڭبۇزۋشىلىق بەلگىلەرى بويىنشا تەرگەپ-تەكسەرۋ باستالدى.
"2024 جىلى باعانىڭ ءوسۋ دەرەكتەرى بويىنشا اگەنتتىك اعىمداعى كەزەڭدەگى باعا ديناميكاسىنا تالداۋ جۇرگىزەدى. ونىڭ ناتيجەلەرى بويىنشا زاڭنامادا بەلگىلەنگەن تارتىپپەن قۇقىقتىق شارا قولدانىلادى"، – دەلىنگەن حابارلامادا.
2024 جىلعى جەلتوقساننان باستاپ تاريفتەردىڭ كوتەرىلۋى تۋرالى وپەراتورلاردىڭ باق-تا جاريالانىمدارىنا بايلانىستى اگەنتتىك ۇيالى بايلانىس وپەراتورلارىنا باسەكەلەستىكتى قورعاۋ سالاسىنداعى زاڭدى بۇزۋعا جول بەرمەۋ تۋرالى ەسكەرتۋ جاسادى.
پىكىر قالدىرۋ