بۇعان دەيىن الەۋمەتتىك جەلىلەردە قازاقتىڭ ۇلتتىق كيىمىمەن "حان شاتىرعا" كىرۋگە بولمايتىنى تۋرالى بلوگەردىڭ ۆيدەوسى تارادى. ورتالىق وسى ماسەلەگە رەسمي جاۋاپ بەرىپ، تۇسىنبەۋشىلىك بولعانىن ايتىپ، حالىقتان كەشىرىم سۇرادى.
"حان شاتىر" ساۋدا ويىن-ساۋىق ورتالىعى ەشقاشان جانە ەش ۋاقىتتا قازاقتىڭ ۇلتتىق كيىمىن كيۋگە قارسى بولعان ەمەس، سەبەبى بۇل – ءبىزدىڭ ۇلتتىق قۇندىلىعىمىز. كەرىسىنشە، العاشقى كۇندەردەن باستاپ بۇگىنگە دەيىن ءبىز مەملەكەتتىك ۇيىمدارمەن تىعىز ىنتىماقتاستىق ورناتىپ، ۇلتتىق مۇرامىزدى، داستۇرلەرىمىزدى جانە ونەرىمىزدى ناسيحاتتاۋعا باعىتتالعان ءىس-شارالارعا بەلسەندى كورسەتىپ كەلەمىز، - دەدى ويىن-ساۋىق ورتالىعى.
"حان شاتىر" قازاقتىڭ مادەنيەتىن، داستۇرلەرى مەن ءتىلىن ساقتاۋ مەن وركەندەۋگە باعىتتالعان بارلىق باستامانى قولداۋدى جالعاستىرا بەرەتىنىن مالىمدەدى.
وكىنىشكە قاراي، ساۋدا ورتالىعىنىن كەلۋشىسى مەن كۇزەت فيرما قىزمەتكەرى اراسىندا تۇسىنبەستىك پەن جاعىمسىز وقيعا بولدى. وسى جاعدايعا بايلانىستى ءبىز وسى وقيعاعا تاپ بولعان كەلۋشىمەن كەزدەسىپ، ءمان-جايدى تولىق ءتۇسىندىرىپ، رەسمي تۇردە كەشىرىم سۇرادىق. "حان شاتىر" ساۋدا ويىن-ساۋىق ورتالىعىنىڭ اتىنان وسى وقيعا سالدارىنان كوڭىلىنە قاياۋ تۇسكەن قازاقستان رەسپۋبليكاسى ازاماتتارىنان شىن جۇرەكتەن كەشىرىم سۇرايمىز. تۇسىنىستىك تانىتقاندارىڭىز ءۇشىن العىسىمىزدى بىلدىرەمىز جانە وسىنداي كەلەڭسىزدىكتەر قايتالانبايدى دەپ ۇمىتتەنەمىز، - دەلىنگەن ورتالىقتىڭ رەسمي جاۋابىندا.
پىكىر قالدىرۋ