ماڭعىستاۋ وبلىسىندا پوليسەيلەر وڭىرلىك اكىمدىكتىڭ قولداۋىمەن مۇنايلى اۋدانىنىڭ ءۇش تۇرعىنىن ەسىرتكى قىلمىسىنا كۇدىكپەن ۇستادى. ولاردىڭ اراسىندا اۋدان اكىمىنىڭ ورىنباسارى مەن اتامەكەن اۋىلى اكىمىنىڭ ورىنباسارى بار.
ماڭعىستاۋ وبلىسى اكىمدىگىنىڭ مالىمەتىنشە، اۋدان اكىمىنىڭ ورىنباسارى ۋاقىتشا ۇستاۋ يزولياتورىنا قاماۋعا الىنعان، ال باسقا فيگۋرانتتارعا قاتىستى بۇلتارتپاۋ شاراسى قاراستىرىلىپ جاتىر.
"الىنعان زاتتار ساراپتاماعا جىبەرىلدى، قاجەتتى تەرگەۋ ارەكەتتەرى جۇرگىزىلىپ جاتىر"، – دەدى اكىمدىك وكىلدەرى.
سونداي-اق، وڭىردە مەملەكەتتىك قىزمەتكەرلەر اراسىندا سىبايلاس جەمقورلىققا جانە زاڭسىز ارەكەتتەرگە مۇلدەم توزبەۋشىلىك ساياساتى جۇيەلى تۇردە جۇرگىزىلەتىنى اتاپ ءوتىلدى.
"زاڭدى بۇزعان تۇلعالارعا قاتىستى قولدانىستاعى زاڭناماعا سايكەس ەڭ قاتاڭ شارالار قابىلداناتىن بولادى"، – دەلىنگەن حابارلامادا.
