الماتى. قازاقپارات - ەل پرەزيدەنتى نۇرسۇلتان نازاربايەۆتىڭ بۇۇ 70 جىلدىق مەرەيتويلىق سەسسياسىندا كوتەرگەن باستامالارى الەمدە قازىرگى تاڭدا ورناعان تارتىپكە ايتىلعان جاۋاپ بولدى. وسىنداي ويىمەن اقش-تا ءىسساپاردا جۇرگەن ساياساتتانۋشى سانجار بوقايەۆ ءبولىستى.
ءبىرقاتار جوسپارلى كەزدەسۋ بارىسىندا ول بەلگىلى ساراپشىلاردىڭ وي-پىكىرىمەن  جەكە تانىسۋعا مۇمكىندىك الدى.

«شىن مانىندە، قازاقستان باسشىسىنىڭ يدەيالارى ەۋرازيا مەن ورتا ازيا ايماعىن زەرتتەپ جۇرگەن ساراپشىلاردىڭ اراسىندا ۇلكەن قىزىعۋشىلىق تۋعىزدى. بۇعان دەيىن دە بۇۇ مودەلىنىڭ ەسكىرگەندىگىن كوپ ساراپشى ايتىپ كەلگەن بولاتىن. نازاربايەۆتىڭ ويلارى بارلىق ۇيىمدى قايتا قالىپتاستىرۋ كونتەكسىندە ولارعا قىزىقتى بولىپ كورىندى. قازاقستان باسشىسىنىڭ سوزىنەن «الەمدى جاڭعىرتۋ» تۋرالى اڭعارعان ساراپشىلار كوپ بولدى. ياعني، ونىڭ يدەياسى قازىرگى زاماندا قالىپتاسقان الەمدىك ءتارتىپتى وزگەرتۋ تۋرالى بولدى. بۇۇ ساراپشىلارى ايماقتىق قاقتىعىستاردى وڭتايلى شەشەتىن قازاقستاننىڭ بۇۇ قاۋىپسىزدىك كەڭەسىنە قاتىسۋىن وڭ باعالاپ وتىر»، - دەدى س.بوقايەۆ.

ايتا كەتۋ كەرەك، قىركۇيەكتىڭ 29-ىندا ەل پرەزيدەنتى نۇرسۇلتان نازاربايەۆ بۇۇ 70 جىلدىق مەرەيتويىندا قازاق تىلىندە بايانداما جاسادى. ءوز سوزىندە ول 2045 جىلعا دەيىنگى جاھاندىق دامۋ جوسپارىن قۇرۋدى ۇسىندى.

سونداي-اق، ەلباسى بۇۇ باس اسسامبلەياسىنىڭ 70ء-شى سەسسياسىنىڭ تريبۋناسىنان ۇلتتىق الەمدىك ۆاليۋتانىڭ قۇرىلۋى مەن تەرروريزمگە قارسى كۇرەستىڭ ءبىرىڭعاي الەمدىك جەلىسىن قۇرۋ ماسەلەلەرىن تىلگە تيەك ەتتى.

ن.نازاربايەۆ جاھاندىق داعدارىسپەن كۇرەستى قازىرگى كەزدە زاڭدىلىق، دەموكراتيالىق، باسەكەلەستىك، تيىمدىلىك جانە حالىقارالىق باقىلاۋ ۇستانىمدارىنا ساي كەلمەي وتىرعان ەميسسيا مەن الەمنىڭ رەزەرۆتىك ۆاليۋتالارى اينالىمىن رەتتەۋدەن باستاۋ قاجەت ەكەندىگىن اتاپ ءوتتى.