قىزىلوردا. قازاقپارات - ەلباسىنىڭ تاپسىرماسىنا وراي سۋ قويماسىنىڭ بوگەتىن نىعايتۋ جۇمىستارى جۇزەگە اسۋدا. توتەنشە جاعدايدىڭ الدىن الۋ ماقساتىندا ق ر ىشكى ىستەر ءمينيسترىنىڭ ورىنباسارى ۆلاديمير بوجكو، وبلىس اكىمىنىڭ ورىنباسارى سەرىك قوجانيازوۆ جانە قىزىلوردا وبلىسى تجد باستىعى ومار بەرجانوۆ قىزىلوردا وبلىسى جاڭاقورعان اۋدانىنداعى  «قىراش» سۋ قويماسىنداعى جۇرگىزىلىپ جاتقان اعىمداعى جوندەۋ جۇمىسىمەن تانىستى.
 بۇل تۋرالى وبلىستىق تجد باسپا ءسوز قىزمەتى حابارلادى.

 جاڭاقورعان اۋدانىنداعى التى سۋ قويماسىنىڭ ءبىرى «قىراش» اۋىلدىق وكرۋگىنەن جارتى شاقىرىم جەردە ورنالاسقان. «قىراش» اۋىلدىق وكرۋگىندە  880 ادام تۇرادى. وكرۋگ اتىنا اتتاس سۋ قويماسى  1928 جىلى پايدالانۋعا بەرىلگەن.  سىيىمدىلىعى - 2،5 ميلليون  كۋب مەتردى قۇرايدى، جالپى اۋدانى  - 28،5 گەكتاردى الىپ جاتىر.

2011 جىلى سۋ قويماسىنا كۇردەلى جوندەۋ جۇرگىزىلگەن. بوگەتتىڭ بيىكتىگى بيىكتەتىلىپ، سۋ جىبەرگىش جانە ارتىق سۋ تاستاعىش قۇرىلىستارى جونىدەلدى.  2014 جىلى قوسىمشا جوندەۋ جۇمىسى جاسالدى. وسى جىلدىڭ قىركۇيەك ايىندا اعىمداعى جوندەۋ جۇمىسى جاسالۋدا. بۇگىنگى كۇنگە دەيىن  «مۇراپسەرۆيس شيەلى» ج ش س  جۇمىستىڭ 85 پايىزىن ءتامامداپ، كەلەسى ايدا تولىق اياقتاۋدى جوسپارلاپ وتىر.

«قىراش» سۋ قويماسى اسا ۇلكەن بولماسا دا، ءبىرشاما ماسەلەلەردىڭ الدىن الاتىنى انىق. سوندىقتان، توتەنشە جاعداي تۋىنداماس ءۇشىن اعىمداعى جوندەۋ جۇمىسىنا قارجى ءبولىنىپ وتىر.

ىشكى ىستەر مينيسترلىگى ەلدىڭ بارلىق ايماعىنداعى سۋ قويمالارىنىڭ جوندەۋ جۇمىستارىنا باسا نازار اۋدارىپ وتىر. كليماتتىڭ ءجيى وزگەرىپ وتىرۋىنا وراي سۋ تاسۋى، بوگەتتەردىڭ بەكىتىلۋى نازاردا تۇر. بوگەتتەر جىرتىلىپ كەتكەن ۋاقىتتا ەكونوميكالىق شىعىندارعا، ءتىپتى ادام ولىمىنە اكەپ سوعۋى مۇمكىن ەكەندىگى بەلگىلى.  

قازىرگى تاڭدا ءبىز قىسقى ماۋسىمعا دايىندىق وقۋ-جاتتىعۋىن جۇرگىزۋ ءۇشىن دايىندىق جاسالۋدا. قىسقى كەزەڭدە اۋا رايىنىڭ سۋىتۋىنا وراي  كوپتەگەن ماسەلەلەردى تۋىنداتۋى مۇمكىن. اۋىل شارۋاشىلىعى مينيسترلىگىمەن بىرلەسىپ، سۋ قويماسىن تولتىرۋ، كوكتەمدەگى سۋ تاسقىنىنىڭ الدىن الۋ جۇمىستارى اتقارىلۋىدا.  

جالپى، ىشكى ىستەر ءمينيسترىنىڭ ورىنباسارى وبلىستا اتقارىلىپ جاتقان سۋ قويماسىن جوندەۋ جانە سۋ تاسقىنىنىڭ الدىن الۋ  جۇمىسىنا وڭ باعاسىن بەردى. 

"قامشى"سىلتەيدى
دەرەككوز: قازاقپارات