تالدىقورعان. قازاقپارات - بۇگىن تالدىقورعان قالاسىنىڭ ءى.جانسۇگىروۆ اتىنداعى مادەنيەت ۇيىندە «ەڭبەك كۇنى» مەرەكەسىنە ورايلاستىرىلعان اۋقىمدى شارا ءوتتى.
قاراپايىم جۇمىسشىلاردىڭ ەڭبەگىن باعالاۋ، ولارعا قۇرمەت كورسەتۋ ماقساتىندا وتكىزىلگەن وسىناۋ شارا بارىسىندا ءوز ءىسىنىڭ ناعىز مامانى بولعان، وبلىستىڭ الەۋمەتتىك-ەكونوميكالىق دامۋىنا ەلەۋلى ۇلەس قوسقان ەڭبەك مايتالماندارى ۇلىقتالدى.
وبلىس اكىمى اماندىق باتالوۆ ءوڭىر ەكونوميكاسىنىڭ بەرىك ىرگەتاسىن قالاپ، ارتىنان ورنىن باسار سەنىمدى دە لايىقتى ۇرپاق وسىرگەندىگى ءۇشىن زالدا جينالعان ەڭبەك ارداگەرلەرىنە العىسىن ءبىلدىردى. - بارشاڭىزدى «ەڭبەك كۇنى» كاسىبي مەرەكەسىمەن شىن جۇرەكتەن قۇتتىقتايمىن! اينالامىزداعى ءبىزدى قورشاعاننىڭ بارلىعى - كۇندەلىكتى، كەي كەزدەرى كوزگە كورىنبەيتىن، ءبىراقتا ماڭىزدى جۇمىستاردىڭ ناتيجەسى.
ءبىزدىڭ قازىرگى قول جەتكىزگەن جەتىستىكتەرىمىز - باسپالداق ىسپەتتى. ونىڭ ءاربىر باسپالداعى قۇرىلىسشى، ۇستاز، دارىگەر، عالىم، اسپازشى، ساقشى، ەگىنشى، قاراپايىم جۇمىسشىنىڭ ەڭبەگىمەن، ونىڭ ماڭداي تەرىمەن قۇرالاتىنداي.
بۇگىنگى مەرەكە حالىق پەن مەملەكەت يگىلىگىنە ەڭبەگىن ءسىڭىرىپ جۇرگەن ازاماتتارعا ۇلكەن العىس، سىي-قۇرمەت كورسەتۋدىڭ مۇمكىندىگى، - دەپ اتاپ ءوتتى اماندىق باتالوۆ.
سونداي-اق مەرەكە اياسىندا ءسوز العان سوسياليستىك ەڭبەك ەرلەرى كۇلاش ايتجانوۆا مەن اناتوليي ريابين، ەلباسىنىڭ سىندارلى ساياساتىنىڭ ارقاسىندا وسىنداي جەتىستىكتەرگە جەتكەندىگىمىزدى، ەڭبەك ەتەمىن دەۋشى ءاربىر ازاماتقا بارلىق جاعداي جاسالعاندىعىن ايتتى. «ەڭ باستىسى قاي سالادا بولماسىن تابىستى جانە قاجىرلى ەڭبەك ەتۋ قاجەت.
ءبىزدىڭ ءجۇرىپ وتكەن ەڭبەك جولىمىز، ەڭبەككە دەگەن سۇيىسپەنشىلىگىمىز بەن قۇلشىنىسىمىز كەيىنگى ۇرپاققا ۇلگى بولسا، ءبىزدىڭ باستى ماقساتىمىزدىڭ ورىندالعاندىعى»، - دەدى سوسياليستىك ەڭبەك ەرلەرى.
وسى كۇنى وبلىستىڭ وسىپ-وركەندەۋىنە ەرەكشە ەڭبەگىن سىڭىرگەن ازاماتتاردىڭ ەڭبەك جولىن باياندايتىن بەينەفيلمدەر مەن ساحنالىق قويىلىمدار كورسەتىلىپ، ءار سالادا جەمىستى ەڭبەك ەتكەن الماتى وبلىسىنىڭ تۇرعىندارى مەن ەڭبەك قىزمەتiندە جوعارى كورسەتكiشتەرگە قول جەتكiزگەن ماماندارىن ماراپاتتاۋ ءراسىمى، سونداي-اق جينالعان كوپشىلىك نازارىنا ءسۇيىنباي اتىنداعى وبلىستىق فيلارمونيا ۇجىمىنىڭ مەرەكەلىك كونسەرتتىك باعدارلاماسى ۇسىنىلدى، دەپ حابارلادى ءوڭىر باسشىسىنىڭ باسپا ءسوز قىزمەتى.
