ەلىمىزدە مەديسينا سالاسىن كۇردەلى وزگەرىستەر كۇتۋدە. ەندى ەۋرازيالىق ەكونوميكالىق وداق شەڭبەرىندە دارىگەرلەر ورتاق جۇيە بويىنشا دايىندالادى. بۇل تۋرالى «قامشى» پورتالى «الماتى» ارناسىنا سىلتەمە جاساپ حابارلايدى.

سونداي-اق كەلەر جىلى بەس مەملەكەت ماماندارى بىرىگىپ، ستۋدەنتتەر ءۇشىن ارنايى وقۋلىق شىعارماقشى. قازاقستاندا مەدبيكەلەر جۇمىسى حالىقارالىق ستاندارتقا ساي كەلمەيدى. مۇنداي توقتامعا الماتىلىق جوعارعى وقۋ ورنى ەمحانالاردىڭ بىرىندە شەتەلدىك ماماندارمەن تەكسەرۋ جۇرگىزۋ باراسىندا كەلدى.

"جالپى كەلەشەكتە جۇمىستار بويىنشا قاي ماسەلەلەر بار سونى تالقىلاي وتىرىپ، وقۋ-ادىستەمەلىك جۇمىستار جاسالىنادى. سودان ارى قاراي حالىقارالىق ستاندارتقا ساي ەتۋ ءۇشىن جۇمىس جاسايمىز. كەلەسى 2016-2017 جىلداردا جالعاسادى"، - دەدى قازاق مەديسينالىق ۇزدىكسىز ءبىلىم بەرۋ ۋنيۆەرسيتەتىنىڭ رەكتورى عالىمجان توعىزبايەۆ.

قازاقستان، رەسەي، بەلارۋس، ارمەنيا، قىرعىز رەسپۋبليكاسى مەن ءازىربايجان مەديسينا سالاسىنداعى قوردالانعان ماسەلەلەردى ەندى ورتالىق كەڭەستە تالقىلايدى. تىكەلەي دەنساۋلىق ساقتاۋ مينيسترلىگىنىڭ باقىلاۋىندا بولاتىن قۇرىلىمدى ەۋرازيالىق ەكونوميكالىق وداققا مۇشە ەلدەردىڭ ماماندارى اشۋدى ۇسىندى.