تارازدا ءوزىن-وزى ورتەگەن 20 جاستاعى ەرلان بەكتىبايەۆتى ۆيدەوعا ءتۇسىرىپ تۇرعانداردى پوليسيا ۇستادى، - دەپ حابارلايدى «قامشى» پورتالى جامبىل وبلىستىق ءىىد باسپا ءسوز قىزمەتىنىڭ وكىلدەرىنە سىلتەمە جاساپ.
جامبىل وبلىستىق ءىىد تاراتقان حابارلامادا ۆيدەوعا تۇسىرگەندەردىڭ قازىرگى ۋاقىتتا اتى-جوندەرىنىڭ انىقتالىپ جاتقانى ايتىلعان.
ەسكە سالايىق، 20 جاستاعى جىگىت 24 قازاندا تارازدىڭ ورتالىق الاڭىندا "نۇر وتان" پارتياسىنىڭ فيليالىنىڭ عيماراتىنا جۇگىرىپ، ساعات شامامەن 10.30-دا ءوزىن-وزى ورتەپ جىبەرگەن بولاتىن. العان جاراقاتىنان ەر ادام قالالىق اۋرۋحانادا كوز جۇمدى. ورتەۋ الدىندا ول قالىپتاسقان جاعدايعا پوليسيا قىزمەتكەرىنىڭ كىنالى ەكەنىن حابارلادى. بۇدان كەيىن "نۇر وتان" پارتياسىنىڭ وكىلدەرى تارازداعى ءوزىن-وزى ورتەۋ وقيعاسىنا تۇسىنىك بەرگەن بولاتىن.
