بۇل تۋرالى «قامشى» پورتالى الماتى قالالىق ءىىد-ى باسپا ءسوز قىزمەتىنە سىلتەمە جاساي وتىرىپ حابارلايدى.

ءىىد-نىڭ باسپا ءسوز قىزمەتى تاراتقان حابارلامادا پوليسيا قىزمەتكەرلەرى اۆتوكولىكتەردى رۇقسات ەتىلمەگەن جەرلەرگە قويۋمەن كۇرەستى كۇشەيتەتىنى ايتىلعان. پوليسيا قىزمەتكەرلەرىنىڭ حابارلاۋىنشا، بۇگىندە الماتى قالاسىندا 555 مىڭ اۆتوكولىك تىركەلسە، تاعى كۇن سايىن 300 مىڭنان استام كولىك باسقا قالالاردان كىرەدى. مۇنىڭ بارلىعى جول قوزعالىسى مەن قاۋىپسىزدىگى، كولىكتەر لەگىنىڭ تولاستاماۋىنا ىقپال ەتەدى. ازاماتتاردىڭ جولداعى قاۋىپسىزدىگى مەن كولىك كەپتەلىستەرىنىڭ الدىن الۋدا اۆتوتۇراق ماسەلەسىن ۇيلەستىرۋدىڭ ماڭىزى ەرەكشە.

ءىىد-ى تاراتقان حابارلامادا سونداي-اق، جىل باسىنان بەرى اتالعان قۇقىقبۇزۋشىلىق ءتۇرى بويىنشا 4 509 جۇرگىزۋشى اكىمشىلىك جاۋاپكەرشىلىككە تارتىلعانى ايتىلادى. بۇگىندە، ق ر اكىمشىلىك قۇقىقبۇزۋشىلىق كودەكسىنىڭ 597-بابى بويىنشا، ارنايى رۇقسات ەتىلمەگەن ورىنعا كولىك قويعانى ءۇشىن 10-نان 50 ايلىق ەسەپتىك كورسەتكىشكە دەيىن ايىپپۇل سالىنادى.