قوستاناي وبلىسىنىڭ اۋدانارالىق ارنايى مامانداندىرىلعان قىلمىستىق سوتى كريمينالدى پوليسيا باسقارماسىنىڭ شەندى قىزمەتكەرى باۋىرجان سىزدىقوۆقا قاتىستى ۇكىم شىعاردى. بقل تۋرالى «قامشى» پورتالى Alau.kz-كە سىلتەمە جاساپ حابارلايدى. 

ب.سىزدىقوۆ 2010 جىلدان باستاپ قوستاناي قالالىق ءىىب-ى كريمينالدى پوليسياسىندا جەدەل ىزدەستىرۋ ءبولىمىنىڭ باسشىسى قىزمەتىن اتقارىپ كەلگەن. ول ۇيىمداسقان قىلمىستىق توپتىڭ گەروين ساتۋىنا ەش كەدەرگى كەلتىرمەگەن جانە بۇل ارەكەتى ءۇشىن قىلمىسكەرلەردەن سىياقى الىپ وتىرعان.

2008-2012 جىلدار ارالىعىندا سىزدىقوۆ ءوز قىزمەتىن اسىرا پايدالانا وتىرىپ، وڭىردەگى ۇيىمداسقان قىلمىستىق توپتىڭ سەركەلەرىنە كومەگىن تيگىزىپ كەلگەن. ول گەروين ساۋداسىنا كوز جۇما قاراعانى ءۇشىن قىلمىستىق توپتىڭ ءاربىر مۇشەسىنەن 50-100 مىڭ تەڭگە كولەمىندە سىياقى الىپ وتىرعان.

2012 جىلدىڭ شىلدەسىندە پوليسيا قىزمەتكەرلەرى ۇيىمداسقان قىلمىستىق توپتىڭ جولىن كەسەدى. الايدا، توپ جەتەكشىسى كيسەليەۆ سىزدىقوۆقا وتىنىشپەن شىققاننان كەيىن، بۇل ءىستىڭ بەتى جابىلعان. وسى قىزمەتى ءۇشىن سىزدىقوۆ بار بولعانى 20 مىڭ تەڭگە كولەمىندە سىياقى الىپتى.

دەگەنمەن، 2014 جىلدىڭ قاڭتارىندا قۇقىق قورعاۋشىلار ەسىرتكى ساۋداسىمەن اينالىساتىن قىلمىستىق توپتىڭ جولىن اقىرى كەستى. توپتىڭ التى وكىلىمەن بىرگە تۇرمەگە 10 پوليسەي دە جابىلعان. ولار قىلمىسكەرلەرگە كومەك كورسەتكەن دەپ ايىپتالدى.

ال، باۋىرجان سىزدىقوۆقا سۋديا ۇكىمدى كەشەگى اپتا وقىدى. ول ەندى الداعى 5 جىلىن جالپى رەجيمدەگى تۇزەۋ كولونياسىندا وتكىزەدى.