جاڭادان كۇشىنە ەنگەن قىلمىستىق-اتقارۋ كودەكسى تالاپتارىنا ساي ەلىمىزدە 300-گە جۋىق سوتتالعان ازامات وتەلمەگەن مەرزىمى ءۇشىن ايىپپۇل تولەپ بوستاندىققا شىقتى. بۇل تۋرالى «قامشى» پورتالى ق ر ءىىم قىلمىستىق-اتقارۋ جۇيەسى كوميتەتىنە سىلتەمە جاساپ حابارلايدى.
«سوتتار باس بوستاندىعىنان ايىرۋ جازاسىن باسقا جۇمساق جازامەن الماستىرۋ تۋرالى وتىنىشتەردى قاراتىرعاندا وسى ايىپپۇل تولەپ بوساتۋ نورمالارىنا كوپ جۇگىنۋدە. بيىل رەسپۋبليكا بويىنشا ءۇش جۇزدەي سوتتالعان ازاماتتىڭ وتەلمەگەن جازا مەرزىمى ايىپپۇلعا الماستىرىلدى جانە بوستاندىققا شىقتى. بۇل شارا نەگىزىنەن جەڭىل قىلمىس جاساعاندار مەن قىلمىس كەلتىرگەن شىعىنداردى تولىق وتەگەندەرگە قاتىستى قولدانىلدى» دەلىنگەن قاجك حابارلاماسىندا.
زاڭناماعا سايكەس، سوتتالعان ازاماتتار وزىنە كەسىلگەن مەرزىمنىڭ بەلگىلى-بىر بولىگىن وتەگەن سوڭ شارتتى-مەرزىمىنەن بۇرىن بوساتۋ تۋرالى ءوتىنىش بەرە الادى. جازانى الماستىرۋ سوت ۇكىمىمەن شەشىلەدى.
