تامىز ايىندا وتاندىق مەتاللۋرگيا الىبى «ارسەلورميتتال تەمىرتاۋ» اق-ى باسشىلىعى كومپانيا كاسىپورىندارىنداعى جۇمىسشىلاردىڭ ەڭبەكاقىسىن قىسقارتۋ تۋرالى شەشىم شىعارعان. تەمىرتاۋ قالالىق سوتى كومپانيا باسشىلىعىنىڭ بۇل بۇيرىعىن زاڭسىز دەپ تاپتى، - دەپ حابارلايدى «قامشى» پورتالى BNews.kz-كە سىلتەمە جاساپ.

اعىمداعى جىلدىڭ 4 تامىزى كۇنى «ارسەلورميتتال تەمىرتاۋ» اق-ى باس ديرەكتورى ۆيدجاي ماحاديەۆان كومپانيا كاسىپورىندارىنداعى جۇمىسشىلاردىڭ ەڭبەكاقىسىن 25 پايىزعا قىسقارتۋ تۋرالى №495 بۇيرىققا قول قويعان.  وسىعان وراي مەتاللۋرگتەردىڭ «جاقتاۋ» كاسىپوداعى نارازىلىق تانىتىپ، قاراعاندى وبلىستىق پروكۋراتۋراسى مەن ەڭبەك ينسپەكسياسى باسقارماسىنا شاعىم تۇسىرگەن. اتالعان مەكەمەلەردىڭ كومپانيا بۇيرىعىن زاڭسىز دەپ تاۋىپ، كۇشىن جويۋ تۋرالى تالاپتارىنا «ارسەلورميتتال تەمىرتاۋ» اق-ى باسشىلىعى پىسقىرىپ تا قاراماعان.

ەڭبەكشىلەردىڭ قۇقىن قورعاۋ ماقساتىندا ەڭبەك جونىندەگى ينسپەكتورلار سوتقا ارىزدانعان. سوت كومپانيا باسشىلىعى ەڭبەكاقىنى قىسقارتۋ تۋرالى بۇيرىقتى قازاقستان رەسپۋبليكاسى ەڭبەك كودەكسى تالاپتارىن بۇزادى دەپ تانىپ، كۇشىن جويىپ وتىر.