تاعى ءبىر جاس قىرشىن ءوزىن-وزى ولىمگە قيدى... ءتىرى ادامنىڭ ورتەنىپ-ولىم قۇشقانىن شىمىرىكپەستەن كامەراعا ءتۇسىرىپ، اسقان بەيقامدىقپەن الەۋمەتتىك جەلىگە "سۇيىنشىلەي" جۇكتەپ-جەتكىزگەندەر ءوز ارامىزدا ءجۇر... ال ينتەرنەت يىرىمىندەگىلەر ءۇشىن شۋلاسىپ-داۋلاساتىن تاعى ءبىر تاقىرىپ تابىلا كەتتى... كەشەدەن بەرى يلەپ-يلەپ، ءيىنىن قاندىردىق... بيلىك ادەتتەگىدەي قۇرعاق رەسمي اقپارمەن شەكتەلدى...
قوعام بولسا، بۇل ءسۋيسيدتىڭ استارىنا ءۇڭىلىپ، مۇنىڭ ارتىندا "كولەڭكەلى كۇشتەردىڭ استىرتىن ساياساتى جاتىر ما"، الدە وزىنە-وزى قول سالۋ – الەۋمەتتىك ءليفتىنىڭ تومەنگى قاباتىندا ابدەن تيتىقتاعان جانداردىڭ جۇگىنەر سوڭعى ينستانسياسىنا اينالدى ما دەگەندەي ساۋالدارعا جاۋاپ ىزدەپ جاتىر... وتكەن جىلدىڭ التى ايىندا (رەسمي مالىمەت)1448 قازاقستاندىق سۋيسيد جاساپتى...تاعى ءبىر اقپارات كوزدەرىندە ءبىر جىلدا 8 مىڭعا جۋىق ادام قازا تابادى دەگەن بەيرەسمي مالىمەت ءجۇر. ال، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، قازاقستان سۋيسيد بويىنشا ونىنشى ورىندا. نەگە؟ نەگە؟ نەگە؟
بيلىكتىڭ مىنبەرىنەن، باسپا ءسوز بەتىنەن، الەۋمەتتىك جەلىدەن وسى سۇراققا جاۋاپ ىزدەپ شىڭعىرىپ جاتىرمىز... "زدوروۆوە تەلو، زدوروۆىي ۋم ي زدوروۆايا رەچ تۆوريات گارمونيچنۋيۋ ليچنوست" دەگەندى وقىپ ەم... مەنىڭشە، تۇرعىننىڭ تۇرمىسى وڭالماي، قوعامنان ءسوزى ءتۇزۋ، جانى جايساڭ، وزىنە مىعىم تۇلعانىڭ قالىپتاسۋىن تالاپ ەتۋ بەكەرشىلىك... باۋ-باقشاعا سۋ قۇيماساڭ سولىپ قالادى، ال كۇتىمىن كەلىستىرسەڭ جايقالىپ جەمىس بەرەدى... حالىق تا تۋرا سول جەمىس سەكىلدى... باپتى قاجەت ەتەدى... جاعدايىن جاساساڭ عانا، گۇلدەپ-كوكتەپ، وسىپ-ونەدى... ءبىزدىڭ بانكتەردى نەگە باتىس نەسيەلەندىرۋدەن باس تارتتى. سەبەپ، "ساقالدى" نەسيەلەر بىزدە 30%. جازدا پرەزيدەنتتىڭ نۇسقاۋىمەن 250 ملرد. ءبولىنىپ، پروبلەمالى كرەديتتىڭ 10 پايىزىن بيۋدجەت جاپتى. ويتكەنى كوپشىلىك العان نەسيەسىن قايتارۋعا قاۋقارسىز... ايتپەسە، قارىزىمىزدى قايتارعانشا، نانعا قارا سۋدى بىلعاپ ىشەر قازاقپىز... ەلدىڭ الەۋمەتتىك جاعدايىن ءتيىستى دەڭگەيدە شەشۋ ءۇشىن نە ىستەۋ كەرەك... ماكرو-ميكروەكونوميكالىق فاكتورلاردى تىزبەكتەمەي، قاراپايىم قولدان كەلەر دۇنيەنى ءسوز ەتسەك... اكىمدەر قالانى قالاي ساۋلەتتى ەتەم دەپ جانىقپاۋى كەرەك، ءاربىر تۇرعىنىمدى قالاي داۋلەتتى ەتەم دەپ تىرمىسۋى ءتيىس... شەنەۋنىك مىنا جوبادان قالاي پايدا تابام دەپ ەمەس، بۇدان ازاماتتارعا نەندەي پايدا كەلەدى دەپ قام قىلسا... شەندى-شەكپەندىلەر ءوز وتباسىنا قالاي جاعداي جاساپ وتىر، ءدال سولاي حالقىن ايالاپ-ماپەلەسە...جانە ارينە كەز-كەلگەن قىزمەتكەر، ازامات بيلىكتىڭ الدىندا ەمەس، حالىقتىڭ الدىندا ۇپاي جيناۋدى مۇرات تۇتسا... ىشكى يممۋنيتەتى مىقتى حالىق قانا، ءتۇرلى سوققىلارعا تويتارىس بەرىپ وتىرادى... ارينە، مۇنىڭ ءبارى "بانالنو" ەستىلۋى مۇمكىن... ءبىراق، الەۋمەتتىك احۋال وڭالماي، قوعام دەپرەسسيۆتى كوڭىل-كۇيدەن ارىلمايدى! ادىلەت ايتۋ بىزدەن،تورەلىك كوپتىڭ قاقى!
دينا تولەكوۆانىڭ فەيسبۋك پاراقشاسىنان
