ەلىمىزگە رەسمي ساپارمەن كەلگەن جاپونيا پرەمەر-مينيسترى سيندزو ابەمەن كەزدەسۋ بارىسىندا ەلباسى نۇرسۇلتان نازاربايەۆ وسىلاي دەدى. بۇل تۋرالى «قامشى» پورتالى Tengrinews.kz-كە سىلتەمە جاساپ حابارلايدى.

ەلباسى ن. نازاربايەۆ جاپونيا پرەمەر-مينيسترىن لاۋازىمىنا قايتا سايلانۋىمەن قۇتتىقتاپ، ەلىمىزگە رەسمي ساپارمەن كەلگەنىنە ريزاشىلىعىن ءبىلدىردى. سونىمەن قاتار، پرەزيدەنت قازاقستان مەن جاپونيانىڭ يادرولىق سىناقتان زارداپ شەككەن ەلدەر ەكەنىن ايتا كەلە، استانا قالاسىنىڭ باس جوسپارىن جاپون ارحيتەكتورى جاساعىنىن تىلگە تيەك ەتتى. «بايقاساڭىز قازاقتار مەن جاپوندار قاتتى ۇقسايدى. بۇل تەگىن ەمەس. تاريحشىلار ەكى حالىقتىڭ تۋىس ەكەنىن ايتادى»،- دەدى ءوز سوزىندە ن. نازاربايەۆ. جاپونيا پرەمەر-مينيسترى ن. نازاربايەۆقا ەكى ەل اراسىنداعى قاتىناستى نىعايتۋ ءۇشىن جاپون كاسىپكەرلەرلەرىن دە ەرتە كەلگەنىن ايتتى.