جاقىندا الماتى قالاسى اكىمىنىڭ ورىنباسارى لاۋازىمىنان بوساعان زاۋرەش امانجولوۆا «نۇر وتان» پارتياسى الماتى فيليالى ءتوراعاسىنىڭ ورىنباسارى بولىپ تاعايىندالدى. بۇل كادرلىق شەشىمدى پارتيا فيليالى ساياسي كەڭەسىنىڭ بيۋروسى ءبىر اۋىزدان قولدادى، - دەپ حابارلايدى «قامشى» پورتالى پارتيا باسپا ءسوز قىزمەتىنە سىلتەمە جاساپ.
قالا اكىمى جانە پارتيا فيليالىنىڭ ءتوراعاسى باۋىرجان بايبەك زاۋرەش امانجولوۆانى جاڭا لاۋازىمعا تاعايىنداۋلىمەن قۇتتىقتاپ، ەلىمىزدىڭ ساياسي ومىرىندە ايەلدەردىڭ ءرولى كۇننەن-كۇنگە ارتىپ كەلە جاتقانىن اتاپ ءوتتى. زاۋرەش امانجولوۆا پارتيا فيليالى جەتەكشىسى بولىپ تاعايىندالعان العاشقى ايەل ەكەنى ايتىلادى باسپا ءسوز قىزمەتى تاراتقان حابارلامادا.
بۇعان دەيىن فيليال ءتوراعاسى ورىنباسارىنىڭ مىندەتىن اتقارعان كەنجاحان ماتىجانوۆ قالالىق ءدىن ىستەرى جونىندەگى باسقارما باستىعى بولىپ تاعايىندالعان ەدى.
