ەلىمىزدىڭ ءار وڭىرىندە كۇن سايىن نان باعاسىنىڭ قىمباتتاۋى بايقالادى. كەشە قوستانايدا نان باعاسى تاعى بەس تەڭگەگە قىمباتتاعانى بەلگىلى بولدى. بۇل تۋرالى «قامشى» پورتالى 31-ارناعا سىلتەمە جاساپ حابارلايدى.
ەل اراسىندا «الەۋمەتتىك نان» اتالاتىن 600 گرامدىق بولكە نان بۇرىن مۇندا 46 تەڭگە بولسا، بۇگىندە 51 تەڭگەگە ساتىلۋدا. وبلىستا بۇعان دەيىن نان شىلدە ايىندا دا قىمباتتاعانىن ەسكەرسەك، سوڭعى ءتورت ايدا نان باعاسى 9 تەڭگەگە ءوسىپ وتىر. قوستانايلىق ناۋبايحانا باسشىلارى باعا ساياساتى تەك ۇنعا تاۋەلدى ەمەستىگىن، سوڭعى ۋاقىتتا اجەپتاۋىر قىمباتتاعان اشىتقى مەن وسىمدىك مايىنىڭ باعاسى دا اسەر ەتەتىنىن ايتىپ اقتالۋدا.
جەرگىلىكتى بيلىك بولسا، نان باعاسىن كۇشتەپ ۇستاي المايتىندارىن بىردەن ايتقان.
