الماتىنىڭ جول-پاترۋلدىك پوليسياسى قىزمەتكەرلەرى قالا اكىمدىگىمەن بىرلەسىپ اۆتوكولىكتەردى جول بويىنا قويۋ ەرەجەلەرىن بۇزعان جۇرگىزۋشىلەرگە قىزۋ كۇرەس اشتى،-دەپ حابارلايدى «قامشى» پورتالى tengrinews.kz-كە سىلتەمە جاساپ.
«تۇراق» جەدەل الدىن-الۋ شاراسى ءبىر اي بويى جالعاسادى دەپ كۇتىلۋدە. شارا باستالعان جارتى كۇن ىشىندە پوليسەيلەر تۇراق ءتارتىبىن بۇزعان 70 جۇرگىزۋشىگە حاتتاما تولتىرىپ، 23 اۆتوكولىكتى ايىپ تۇراعىنا جىبەرگەن. جۇرگىزۋشىلەردىڭ كوبى ءوز كىنالارىن مويىنداعانىمەن، ءتۇرلى سىلتاۋ ايتىپ جول پوليسياسى قىزمەتكەرلەرىمەن داۋ تۋعىزعاندار دا بولعان.
