ءماجىلىس دەپۋتاتتارى جاقىن كۇندەرى جالاقىلارىن ءوسىرۋ تۋرالى باستاما كوتەرمەيدى. بۇل تۋرالى «قامشى» پورتالى «استانا» ارناسىنا سىلتەمە جاساپ حابارلايدى.
دەپۋتاتتار ينفلياسياعا بايلانىستى بارلىق سالادا باعا كوتەرىلىپ جاتسا دا وزدەرىنىڭ جالاقىلارى وزگەرىسسىز قالعانىنا ەش وكىنبەيدى. مۇنى ولار ەلدىڭ ەكونوميكالىق احۋالىنداعى اۋىر جاعدايمەن تۇسىندىرەدى. قولىنا اي سايىن 497 مىڭ تەڭگە الاتىنىن ايتقان ءماجىلىس دەپۋتاتى، «نۇر وتان» فراكسياسىنىڭ مۇشەسى گلەب ششەگالسكيي بۇل جالاقى ءوزىن تولىق قاناعاتتاندىرادى دەپ سانايدى.
«4 جىل بولدى ءبىزدىڭ شاقىرىلىمنىڭ جۇمىس ىستەپ جاتقانىنا. ەستەرىڭىزدە بولسا، «ب» كورپۋسىنداعى مەملەكەتتىك قىزمەتشىلەردىڭ جالاقىسى ءوسىرىلدى، بىزدىكى وزگەرىسسىز قالدى. ءبىراق، ءوز باسىم دەپۋتاتتاردىڭ ەڭبەكاقىسى جەتكىلىكتى دەپ سانايمىن»، - دەگەن.
«نۇر وتاندىق» تاعى ءبىر دەپۋتات سەرىكجان قانايەۆ تا جۋرناليستەرگە قازىرگى ۋاقىتتا ەڭ الدىمەن وتاندىق ەكونوميكا مەن بيۋدجەتتىڭ جاعدايىن ويلاۋ كەرەكتىگىن، جاعداي تۇزەلگەن كەزدە بۇل ماسەلەگە قايتا ورالۋعا بولاتىنىن ايتقان.
