استانادا قازاق حاندارىنىڭ 3D فورماتىنداعى پورترەتتەرى قويىلعان، گالەرەيا اشىلدى، - دەپ حابارلايدى «قامشى» پوتالى KاzاkhTV-عا سىلتەمە جاساپ.

گولوگرافيالىق سۋرەتتەردە، 21 حان بەينەلەنگەن. بۇل "قازاق حاندىعىنىڭ 550 جىلدىعىنا" ارنالعان بىرەگەي جوبا. ەرەكشە تۋىندىلاردىڭ اۆتورى قازاقستاننىڭ ەڭبەگى سىڭگەن قايراتكەرى، سۋرەتشى - مونۋمەنتاليست سەمبىعالي سماعۇلوۆ. ءمۇسىنشىنىڭ قيالىنان شىققان ەلورداداعى "قازاق ەلى" مونۋمەنتى، بارشاعا جاقسى تانىس. "قازاق حاندارى" گالەرەياسىن دايىنداۋ ءۇشىن اۆتور، جارتى جىل ۋاقىت جۇمساعانىن ايتادى. قازاقستاننىڭ سۋرەت ونەرىندەگى جاڭا باعىت، ءبىلىم-عىلىم جانە تاريح سالاسىندا كەڭ قولدانىس تابۋى مۇمكىن دەيدى ۇيىمداستىرۋشىلار. سونىمەن قاتار، بۇل جوبا تاريحي جازبالار ارقىلى قازاق دالاسىنا بەلگىلى وزگە دە حانداردىڭ بەينەلەرىن جاساۋعا جول اشپاق.