نەسيەگە كولىك العان قازاقستاندىقتاردىڭ بانكتەرگە قارىزى اعىمداعى جىلدىڭ قازان ايىندا 403،1 ميللياردت تەڭگەنى قۇراعان،- دەپ حابارلايدى «قامشى» پورتالى Tengrinews.kz–كە سىلتەمە جاساپ.

ءبىرىنشى نەسيەلىك بيۋرو تالداۋ ورتالىعىنىڭ مالىمدەۋىنشە نەسيەگە كولىك العان قازاقستاندىقتاردىڭ بانكتەردەگى قارىزى 2015 جىلدىڭ باسىنداعى كورسەتكىشتەن 11،6 پايىزعا ارتىپ، 403،1 ميلليارد تەڭگەنى قۇراعان. سونىمەن قاتار، ون اي ىشىندە نەسيەلىك كەلىسىم-شارتتار سانى دا 31،5 پايىزعا وسكەن.

ماماندار، سونىمەن قاتار، نەيەلىك كەلىسىم-شارتتاردىڭ ورتاشا قۇنى 1،84 ميلليون تەڭگەدەن 1، 77 ميلليونعا تومەندەگەنىن ايتۋدا. بۇل قازاقستاندىقتاردىڭ داعدارىس جاعدايىندا بارىنشا ارزان كولىك مىنۋگە كوشكەنىن بىلدىرەدى دەيدى ساراپشىلار. تالداۋ كورسەتكەندەي، كۇن سايىن ەلىمىزدە كولىك الۋ ءۇشىن 100 شاقتى نەسيە راسىمدەلەدى ەكەن.