اقتوبە وبلىسى اكىمدىگى العاش رەت سارا نۇرقاتوۆاعا قاتىستى رەسمي اقپارات تاراتتى. بۇل تۋرالى «قامشى» پورتالى 31.kz-كە سىلتەمە جاساپ حابارلايدى.
وبلىس اكىمىنىڭ باسپا ءسوز قىزمەتىنىڭ مالىمەتىنشە، اكىمدىككە رەسپۋبليكالىق قوعامدىق كەڭەستىڭ قاۋلىسى كەلىپ تۇسكەن. سوندىقتان دا، ۇلى مەن كەلىنى باسقارمادا باسشىلىقتا وتىرعان سارا نۇرقاتوۆانىڭ ۇستىنەن تەكسەرۋ باستالماق. قازىرگى كەزدە اتالعان جاعداي مەملەكەتتىك قىزمەتكەرلەردىڭ ار-نامىس كودەكسىندەگى مورالدىك-ەتيكالىق نورمالارعا سايكەس جانە قولدانىستاعى زاڭنامالاردىڭ اياسىندا قارالۋ ۇستىندە، -دەپ حابارلايدى اقتوبە وبلىسى اكىمىنىڭ باسپا ءسوز قىزمەتى.
ايتا كەتەيىك، بيىلعى جىلدىڭ 14 قازان كۇنى استانادا وتكەن جيىندا "نۇر وتان" پارتياسىنىڭ وكىلدەرى اقتوبە وبلىسى اكىمىنىڭ ورىنباسارىن سىنعا الىپ، بالالارىن ءوز قولاستىنداعى ەكى باسقارماعا لاۋازىمدى قىزمەتكە قويعان دەپ ايىپتاعان بولاتىن. ال سارا نۇرقاتوۆانىڭ ءوزى مەنىڭ قىزمەتىمنەن اعاتتىق تابار بولسا ورنىمدى بوساتامىن دەگەن ەدى.
