بۇگiن سەناتتىڭ جالپى وتىرىسىندا دەپۋتاتتار «اقپاراتتاندىرۋ تۋرالى» جانە «قازاقستان رەسپۋبليكاسىنىڭ كەيبiر زاڭنامالىق اكتiلەرiنە اقپاراتتاندىرۋ ماسەلەلەرi بويىنشا وزگەرiستەر مەن تولىقتىرۋلار ەنگiزۋ تۋرالى» ەكى زاڭدى قابىلدادى. بۇل تۋرالى «قامشى» پورتالى  Baq.kz-كە سىلتەمە جاساپ حابارلايدى.

زاڭ جوباسىنىڭ ماقساتى اقپاراتتاندىرۋدى ۇيىمداستىرۋدىڭ قازiرگi زامانعى حالىقارالىق ستاندارتتارعا جاۋاپ بەرەتiن تيiمدi جۇيەسiن زاڭنامالىق تۇرعىدان ەنگiزۋ ارقىلى قازاقستاندىق قوعامدى اقپاراتتاندىرۋدىڭ ودان ءارi دامۋىن قامتاماسىز ەتۋ بولىپ تابىلادى. زاڭ جوباسىندا نەگiزگi ۇعىمداردىڭ ءمانi اشىلىپ، اقپاراتتاندىرۋ سالاسىنداعى قوعامدىق قاتىناستاردى مەملەكەتتiك رەتتەۋدiڭ قاعيداتتارى، ماقساتتارى مەن مiندەتتەرi ايقىندالىپ وتىر.

«الەمدە كۇندەلiكتi تەحنولوگيالار وزگەرiپ جاتادى. وسىعان بايلانىستى بارلىق ەلدەر زاڭنامالىق بازالارىن جاڭالايدى. مۇنى بiزگە دە جاساۋ قاجەت. بiز كورەيا، اۆستراليا، سينگاپۋر، كانادا، فينليانديا، مالايزيا سياقتى ەلدەردiڭ اقپاراتتىق-كوممۋنيكاسيالىق تەحنولوگيالار سالاسىنداعى ءتاجiريبەسiنە سۇيەندiك»، – دەدى قر-ى ينۆەستيسيالار جانە دامۋ جونىندەگى مينيسترi اسەت يسەكەشيەۆ.

سونداي-اق، ءا.يسەكەشيەۆ مەملەكەتتىك فۋنكسيالار مەن قىزمەتتەردى اۆتوماتتاندىرۋ مەرزىمى 3 جىلدان 1،5 جىلعا دەيىن قىسقارانىن ايتادى. بۇدان بولەك، ول مەملەكەتتiك ورگانداردىڭ ينتەرنەتپەن جۇمىس جاساۋ قاۋiپسiزدiگiنiڭ دەڭگەيi جوعارىلايتىنىن مالىمدەدى.

«ابونەنتتىك نومىرلەردى ۇيالى بايلانىستىڭ ءبىر وپەراتورىنان ەكىنشىسىنە تەگىن اۋىستىرۋ ىشكى جانە وزگە جەلىگە بايلانىس باعاسىن تومەندەتۋگە مۇمكىندىك بەرەدى»، –  دەپ اتاپ ءوتتى مينيستر.

سونداي-اق، زاڭ جوباسى قابىلدانعاننان كەيiن حالىقتىڭ ساۋاتتىلىعىن ارتتىرۋ بارلىق مەملەكەتتiك ورگانداردىڭ جاۋاپكەرشiلiگiنە كiرەتiن بولادى. بۇل جالپىمەملەكەتتiك iسكە اينالماق.