الماتى تۇرعىندارى الماتىداعى وسىمدىكتەر باعى اۋماعىنداعى 2 گەكتار جەرگە قازىرگى زامانعى ونەر مۇراجايىن سالۋعا قارسىلىق بىلدىرۋدە، - دەپ حابارلايدى «قامشى» پورتالى 31-ارناعا سىلتەمە جاساپ.

بوستاندىق اۋدانىندا ورنالاسقان وسىمدىكتەر باعىندا قازىرگى زامانعى ونەر مۇراجايىن اشۋ تۋرالى اڭگىمەنىڭ اقپارات قۇرالدارىندا تاراعانىنا كوپ بولعان جوق. قالالىق اكىمدىكتىڭ بۇل باستاماسى تۇرعىنداردىڭ ءبىراز بولىگىنە جاقپاعان سىڭايلى. ولاردىڭ ويىنشا، قۇرىلىس باستالسا قالانىڭ ەكولوگيالىق احۋالىنا ۇلكەن نۇقسان كەلەتىن كورىنەدى.

«قۇرىلىس باستالسا، ودان كوتەرىلگەن شاڭ-توزاڭ وسىمدىكتەر باعىن كومىپ تاستايتىنىنا 100 پايىز سەنىمدىمىن. بۇل قالاعا ۇلكەن زيان اكەلەدى. ءتىپتى، باقتى جويىپ، ورنىنا تاعى ءبىر ساۋدا ورتالىعىن سالۋلارى دا مۇمكىن»، - دەيدى «الماتىنى قورعاۋ» قوزعالىسىنىڭ بەلسەندىسى اباي ەرەكەنوۆ. 

الماتىداعى وسىمدىكتەر باعى الەمنىڭ ءار تۇكپىرىندە وسەتىن وسىمدىكتەردىڭ بىرنەشە مىڭداعان ءتۇرى جيناقتالعان بىرەگەي عىلىمي نىسان. 100 گەكتاردان اساتىن ب ا ق اۋماعى ەرەكشە قورعالاتىن اۋماققا جاتادى. ءبىر قىزىعى، باقتىڭ اۋماعىندا جاڭا مۋزەي اشۋ تۋرالى بۇل باستاماعا ونەر قايراتكەرلەرىنىڭ وزدەرى تاڭ قالىپ وتىر. «ءتاڭىرى-ۇماي» ونەر گالەرەياسىنىڭ ديرەكتورى بىرنەشە جىلدان بەرى قازىرگى زامانعى ونەر مۇراجايىن اشۋ تۋرالى باستامالارىنا جاۋاپ قاتپاعان شەنەۋنىكتەردىڭ بۇل شەشىمى كۇدىك تۋعىزاتىنىن ايتقان.