قازاق ەلىنىڭ ەۋروپالىق وداقپەن تاريحي قۇجاتقا قول قوياتىن كۇنى جاقىندادى. بۇل تۋرالى «قامشى» پورتالى Ktk.kz-كە سىلتەمە جاساپ حابارلايدى.

ءتىپتى تاياۋدا استاناعا ەۋروپالىق كوميسسيانىڭ ءتوراعاسى جان-كلود يۋنكەردىڭ ءوزى كەلمەك. ءسويتىپ، رەسمي استانا ەۋرازيالىق ەكونوميكالىق وداققا مۇشە بولعانىنا قاراماستان ەۋروپالىق وداقپەن بايلانىسىن جانداندىرا بەرمەك. ال ەۋروپامەن سۋ جاڭا كەلىسىم الىس-بەرىستى قازىرگىدەن دە ارتتىرۋى ءتيىس. ويتكەنى، اقوردادا مەملەكەت باسشىسى نۇرسۇلتان نازاربايەۆ ەۋروپالىق وداقتىڭ جاڭا ەلشىسى ترايان لاۋرەنسۋ حريستەادان سەنىم گراموتاسىن الدى.

سونىمەن قاتار استانادا  ماجارستان، پولشا، ۆەتنام، تۇركيانىڭ ەلشىلەرى اۋىسىپ، قىزەتتەرىنە كىرىستى. ديپلوماتتارعا مەملەكەتتەر اراسىنداعى دوستىققا دانەكەر بولۋعا شاقىرعان ەلباسى، ولارعا دا ەۋروپالىق وداقپەن جاسالاتىن تاريحي كەلىسىم تۋرالى دا ايتىپ بەردى.

«قازاقستاننىڭ دۇنيەجۇزىلىك ساۋدا ۇيىمىنا كىرۋ شارتتارى تۋرالى كەلىسسوزگە قول قويىلدى. وسى تاريحي قۇجاتقا قول قويۋ ءۇشىن ەۋروپالىق وداق باسشىلىعىنىڭ استاناا رەسمي ساپارمەن كەلۋىن كۇتەمىز. بۇل قادام قازاقستان مەن ەۋروپالىق وداق قارىم قاتىناسىنىڭ جاڭا كەزەڭىنە جول اشادى»، – دەدى ن.نازاربايەۆ