بۇل تۋرالى ق ر پارلامەنت ماجىلىسىندەگى جول قوزعالىسىنا قاتىستى زاڭنامالاردى تالقىلاعان جيىندا قازاقستان كولىك قۇرالدارىن جۇرگىزۋشىلەر وداعىنىڭ ءتوراعاسى تالعات جاڭابايەۆ مالىمدەدى، - دەپ حابارلايدى «قامشى» پورتالى.

"اۆتومەكتەپتەر جۇرگىزۋشىلەر كۋالىگىن ساتادى. كۋالىكتى تۋعان كۇنگە سىيلاۋعا بولادى. بۇل ءبىزدىڭ تاجىريبەدە بار. بىرەۋلەر: "مىنە، ۇلىم 18 جاسقا تولدى، ءبىز وعان جۇرگىزۋشى كۋالىگىمەن بىرگە اۆتوكولىك سىيلاعىمىز كەلەدى دەيدى. مۇنداي تاجىريبە بار. ونداي تاجىريبەمەن نەگە كۇرەسپەيمىز؟"-دەگەن قىنجىلىسىن ءبىلدىردى وداق ءتوراعاسى. ونىڭ ايتۋىنشا، ەلدەگى جۇرگىزۋشىلەردىڭ ون پايىزدايى عانا جول ءجۇرۋ ەرەجەسىن بىلەدى ەكەن.

"ءبىز ەكسپەريمەنت جاساپ كوردىك. ءجۇز جۇرگىزۋشىنىڭ 13ء-ى عانا جول قوزعالىسى ەرەجەسىن تاپسىرا الدى. بۇل مەملەكەتتىك ماسەلە. كەڭەس زامانىندا ادامداردان جىلىنا ءبىر نەمەسە ەكى رەت تەحمينيمۋمنان ءوتۋ تالاپ ەتىلدى. بۇل تالاپتار ءقازىر جوق. سونىمەن قاتار، زاڭناما تۇبەگەيلى وزگەرگەن. ءقازىر  جۇرگىزۋشىلەر ەرەجەنى قاساقانا بۇزبايدى، سەبەبى ولار ەرەجەنى بىلمەيدى"، - دەدى ق ر كولىك قۇرالىن جۇرگىزۋشىلەر وداعىنىڭ ءتوراعاسى.