ءبىر جاسقا دەيىنگى بالا كۇتىمىنە بايلانىستى جۇمىسىنان ايىرىلعان ايەلدەرگە مەملەكەت ەسەبىنەن سۋبسيديا بەرىلەدى. ءيا، ءيا، قاتەلەسكەن جوقسىز. بۇل اقپاراتتى العاش ەسىتىگەمىزدە ءبىز دە تاڭىرقاپ قالدىق. سۋبسياديا دەگەندە كوز-كەلگەن جاننىڭ ويىنا اۋىلشارۋاشىلىق سالاسى ورالاتىنى بار. سوندىقتان دا، مۇنىڭ قانداي سۋبسيديا ەكەنىن بىلۋگە اسىعىپ، مەملەكەتتىك زەينەتاقى تولەۋ ورتالىعى وقو بويىنشا فيليالىنىڭ باستىعى ساعيرا ايتانايەۆاعا جولىقتىق.

مەملەكەتتىك زەينەتاقى تولەۋ ورتالىعى وقو بويىنشا  فيليالىنىڭ باستىعى ساعيرا ايتانايەۆا
مەملەكەتتىك زەينەتاقى تولەۋ ورتالىعى وقو بويىنشا فيليالىنىڭ باستىعى ساعيرا ايتانايەۆا
– ساعيرا ەرمەكباي قىزى، بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان ايەلدەرگە مەملەكەت ەسەبىنەن سۋبسيديا بەرىلەدى دەگەن اقپار قانشالىقتى راس؟

– ءبىر جاسقا دەيىنگى بالا كۇتىمىنە بايلانىستى جۇمىسىنان ايىرىلعان ايەلدەردىڭ زەينەتاقى قورىنداعى مىندەتتى جارنالارى سۋبسيديالانادى. سۋبسيديالاۋ – زەينەتاقىمەن قامسىزداندىرۋ تۋرالى زاڭعا سايكەس، ءبىرىڭعاي جيناقتاۋشى زەينەتاقى قورىنان جۇزەگە اسىرىلادى.

زەينەتاقىمەن قامسىزداندىرۋ تۋرالى زاڭناماعا سايكەس ءى جانە ءىى توپتارداعى مۇگەدەكتەر مەن مۇگەدەكتىگى مەرزىمسىز بەلگىلەنگەن جاندار ءۇشىن مىندەتتى زەينەتاقى جارنالارىن سۋبسيديالاۋ الەۋمەتتىك تولەم سوماسىنان مىندەتتى زەينەتاقى جارنالارىن ۇستاۋعا ونىڭ كەلىسىمى بولعان كەزدە عانا جۇزەگە اسىرىلادى. الايدا، بۇل ايەلدىڭ قولىنا اقشا بەرىلەدى نەمەسە ەسەپشوتىنا اقشا اۋدارىلادى دەگەن ءسوز ەمەس.

– مىندەتتى زەينەتاقى جارنالارىنىڭ اي سايىنعى بيۋدجەتتىك سۋبسيدياسىنىڭ مولشەرى قالاي انىقتالادى؟

– مىندەتتى زەينەتاقى جارنالارىنىڭ اي سايىنعى بيۋدجەتتىك سۋبسيدياسىنىڭ مولشەرى، بجزق اۋدارىلعان ورتاشا ايلىق تابىس مولشەرى مەن بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەمنەن ۇستالاتىن مىندەتتى زەينەتاقى جارنالارىنىڭ سوماسى اراسىنداعى ايىرماسىمەن ايقىندالادى.

ماسەلەن، ايەلدىڭ 24 ايعا شاققاندا ورتاشا ايلىق تابىسى 100 000 تەڭگەنى قۇرايدى دەلىك. ياعني، اي سايىن ونىڭ ايلىعىنان بجزق-نا 10%-ى جارنا اۋدارىلادى. بiر جاسقا دەيiن بالا كۇتiمiنە بايلانىسى تابىسىنان ايىرىلعاندىقتان ونىڭ زەينەتاقى قورىنا ەشقانداي اۋدارىمدار جۇرگىزىلمەيدى. الايدا، ول ءبىر جاسقا دەيىنگى بالا كۇتىمى ءۇشىن مەملەكەتتىك الەۋمەتتىك ساقتاندىرۋ قورىنان اي سايىن الەۋمەتتىك تولەم الىپ تۇرادى. ءبىزدىڭ جاعدايدا ونىڭ سوماسى 40000 تەڭگە بولماق. تاعايىندالعان سومانىڭ 10%-ى، ياعني 4000 تەڭگەسى بجزق-داعى شوتقا تۇسەدى. ەگەر دە ول بالا بiر جاسقا تولعانعا دەيiن ونىڭ كۇتiمiنە بايلانىستى تابىسىنان ايىرىلماعان جاعدايدا، ونىڭ باستاپقىداعى تابىسىنان 10 000 تەڭگە كولەمىندە زەينەتاقى جارنالارى ۇستالۋى ءتيىس بولاتىن. الايدا، ونىڭ اراسىندا 6000 تەڭگە كولەمىندە ايىرما شىعىپ تۇر. سوعان سايكەس، ايىرماسىن مەملەكەت ءوز تاراپىنان رەسپۋبليكالىق بيۋدجەت قاراجاتى ەسەبىنەن سۋبسيديا تۇرىندە تولەپ بەرەدى.

– مىندەتتى زەينەتاقى جارنالارىن سۋبسيديالاۋ بارىسى قاي مەرزىمگە دەيىن جۇزەگە اسىرىلادى؟

– مىندەتتى زەينەتاقى جارنالارىن سۋبسيديالاۋ بالانىڭ تۋۋ تۋرالى كۋالىگىندە كورسەتىلگەن بالانىڭ تۋعان كۇنىنەن باستاپ، ال بالانى اسىراپ العان جانە اتا-اناسىنىڭ قامقورلىعىنسىز قالعان ءبىر جاسقا دەيىنگى بالاعا قامقورشىلىق تاعايىندالعان جاعدايلاردا بالانى اسىراپ الۋ تۋرالى سوت شەشىمى زاڭدى كۇشىنە ەنگەن كۇنىنەن باستاپ نەمەسە قورعانشى تاعايىندالعان كۇنىنەن باستاپ، بالا ءبىر جاسقا تولعان كۇندى قوسا العان كۇنگە دەيىن جۇرگىزىلەدى.

– قانداي جاعدايلاردا سۋبسيديالاۋ توقتاتىلادى؟

ەگەر:

الەۋمەتتىك تولەمدى الۋشىنىڭ زەينەتاقى قورىنا جۇمىس بەرۋشى تاراپىنان 10 پايىز مىندەتتى زەينەتاقى جارنالارىن اۋدارۋ فاكتىسى انىقتالسا؛

قازاقستان رەسپۋبليكاسىنىڭ اۋماعىنان تىس جەرگە تۇراقتى تۇرۋعا كەتۋ فاكتىسى انىقتالسا؛

قايتىس بولسا؛

شەتەلدىكتىڭ نەمەسە ازاماتتىعى جوق ادامنىڭ جەكە باسىن كۋالاندىراتىن قۇجاتتىڭ قولدانىلۋ مەرزىمى وتسە؛

بوساتىلعان جانە شەتتەتىلگەن قامقورشىلار تۋرالى مالىمەتتەر كەلىپ تۇسكەندە ۋاكىلەتتى ورگاننىڭ شەشىمىنىڭ نەگىزىندە سۋبسيديالاۋعا جاتاتىن مىندەتتى زەينەتاقى جارنالارىن اۋدارۋ توقتاتىلادى.

ايتپاقشى، قوردان بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەمدى الۋشىعا جۇمىس بەرۋشىنىڭ ەسەبىنەن 10 پايىز مىندەتتى زەينەتاقى جارنالارىن اۋدارۋ فاكتىسى انىقتالعاندا سۋبسيديالانۋ توقتاتىلاتىنىن ايتتىق. الايدا مىندەتتى زەينەتاقى جارنالارى ءبىرجولعى بولىپ، الۋشى راسىمەن بالا كۇتىمىنە سايكەس تابىسسىز وتىرعان بولسا، ورتالىق بولىمشەگە جۇمىس ورنىنان بەكىتىلگەن نىسانداعى (قوسىمشا №8) انىقتامانى تاپسىرۋى قاجەت. جۇمىس ىستەمەيتىندىگى جونىندەگى انىقتامانى تاپسىرعان سوڭ، سۋبسيديالاۋ قايتا جاڭعىرتىلادى.

– ۋاقىت ءبولىپ، ءتۇسىندىرىپ بەرگەنىڭىزگە راحمەت.

دەرەككوز: http://kazrabat.kz/