ەلباسى نۇرسۇلتان نازاربايەۆتىڭ فرانسياعا ساپارى بارىسىندا فرانسۋز كومپانيالارىمەن ءبىرقاتار كەلىسىمدەرگە قول جەتكىزىلمەك. بۇل تۋرالى «قامشى» پورتالى حابارلايدى.

قازاقستان رەسپۋبليكاسى پرەزيدەنتىنىڭ فرانسياعا رەسمي ساپارى اياسىندا بۇگىن وسى ەلدىڭ ىسكەر قاۋىمداستىقتارىمەن كەزدەسۋ وتەدى. ەكى جاقتى كەزدەسۋدە ارىپتەتىك قارىم-قاتىناستى نىعايتۋعا باعىتتالعان كەلىسىمدەرگە قول قويىلادى.

«بۇگىن ەلباسى ن. نازاربايەۆتىڭ قاتىۋىمەن ىسكەر قاۋىمداستىقتار وكىلدەرىمەن كەزدەسۋ وتەدى. وسىنداي پرەزيدەنت ساپارى كەزىندە شەتەلدىك كومپانيالار تاراپىنان ەلىمىزگە دەگەن قىزىعۋشىلىق ارتا تۇسەدى. مۇندا ءبىزدىڭ ەل تاراپىنان، اتاپ ايتقاندا، «سامۇرىق-قازىنا» ۇلتتىق ءال-اۋقات قورى مەن فرانسيا كومپانيالارى اراسىندا ارىپتەستىك كەلىسىمدەرى قاراستىرىلادى. «قازاقستان تەمىر جولى» اق-ى ەلەكتروۆوزدار قۇراستىرۋ، تەمىرجول كولىكتەرىنىڭ قوزعالىسىن باسقارۋدىڭ اۆتوماتتى قۇرىلعىلارىن جاساۋ تۋرالى، «قازمۇنايگاز» ۇلتتىق كومپانياسى مۇناي بارلاۋ جۇمىستارى تۋرالى، «كەگوك» ەلەكتر ەنەرگياسىن تاسىمالداۋ جۇمىستارىنا قاتىستى وسىنداعى ارىپتەستەرمەن ءتۇرلى كەلىسىم-شارتتارعا وتىرادى»، - دەدى جۋرناليستەرگە كەزدەسۋ الدىندا سۇحبات بەرگەن «سامۇرىق-قازىنا» ۇلتتىق ءال-اۋقات قورىنىڭ باسقارما ءتوراعاسى ءومىرزاق شوكەيەۆ.

بۇگىندە قازاقستاندا 130-دان استام فرانسۋز كومپانيالارى جۇمىس ىستەيدى. ولار ەل ەكونوميكاسىنا 11 ميللياردقا جۋىق ينۆەستيسيا قۇيعان.

ءبىلال قۋانىش

پاريج