بۇگىن ەلباسى نۇرسۇلتان نازاربايەۆ يۋنەسكو-نىڭ پاريجدەگى شتابىندا بولىپ، ۇيىمنىڭ باس كونفەرەنسياسىنىڭ 38-سەسسياسىنا قاتىستى. بۇل تۋرالى «قامشى» پورتالى حابارلايدى.
يۋنەسكو باس كونفەرەنسياسىنىڭ 38-سەسسياسى جۇمىس جوسپارى بويىنشا قازاقستان پرەزيدەنتى بايانداما جاساۋ كەرەك بولاتىن. جيىن قاتىسۋشىلارىنا بايانداما جاساۋ ءۇشىن ءسوز العان نۇرسۇلتان ءابىش ۇلى سەسسيا قاتىسۋشىلارىنا قازاق تىلىندە ءتىل قاتتى.
ەستەرىڭىزدە بولسا، نۇرسۇلتان نازاربايەۆ بۇۇ باس اسسامبلەياسىنىڭ مەرەيتويلىق 70-سەسسياسىندا دا باستان اياق قازاق تىلىندە بايانداما جاساعان بولاتىن.
ءبىلال قۋانىش
پاريج
