ۆكونتاكتە الەۋمەتتىك جەلىسىندەگى تانىمال "PornoMania" توبى قوستانايلىق پروكۋرورلاردىڭ كۇدىگىن تۋعىزعان. بۇل تۋرالى «قامشى» پورتالى قوستاناي وبلىستىق پروكۋراتۋراسىنىڭ باسپا ءسوز قىزمەتىنە سىلتەمە جاساپ حابارلايدى.

توپتاعى جازبالاردىڭ مازمۇنىن زەردەلەي كەلە پروكۋرورلار ول توپتى جابۋ تۋرالى شەشىم شىعارعان.

«توپتىڭ اتاۋى جانە ونداعى جاريالانىمدار پورنوگرافيانى ناسيحاتتاۋعا، ونىڭ ىشىندە بالالار اراسىندا تاراتۋعا باعىتتالعانى ايدان انىق. توپقا 494 ءجاسوسپىرىم تىركەلگەن»، - دەيدى قوستاناي وبلىستىق پروكۋراتۋراسىنىڭ باسپا ءسوز حاتشىسى الما نۇرسەيىتوۆا. 

توپقا بارلىعى 40 مىڭعا جۋىق ادام تىركەلگەن، ولاردىڭ ىشىندە مىڭ جارىمنان استامى قازاقستاندىقتار، ال، 127ء-ى بالالار دەلىنگەن  پروكۋراتۋرا تاراتقان حابارلامادا. توپتا جىنىستىق قاتىناس ساحنالانعان پورنوگرافيالىق بەينەروليكتەر ورنالاستىرىلعان.

پروكۋرورلار الەۋمەتتىك جەلىدەگى اتالعان توپتى كاملەتكە تولماعانداردىڭ جىنىستىق قول سۇعىلماۋشىلىعىنا قارسى قىلمىستاردىڭ الدىن الۋ شارالارى كەزىندە اشكەرەلەگەن. ءقازىر باسقا دا وسىنداي زاڭعا قايشى ينتەرنەت-قاۋىمداستىقتاردى انىقتاۋ، بۇعاتتاۋ جۇمىستارى جۇرگىزىلىپ جاتقان كورىنەدى. سونىمەن قاتار، باس پروكۋراتۋراعا ينتەرنەت-رەسۋرستاردىڭ مەنشىك يەلەرى جانە اكىمشىلەرىمەن زاڭعا قايشى كونتەنتتەردى جويۋ بويىنشا جۇمىس جۇمىس جۇرگىزۋ تۋرالى ۇسىنىس جاسالعان.

جالپى، 29 قازان مەن 5 قاراشا ارالىعىندا 1 ميلليوننان استام قولدانۋشىسى بار وسىنداي بارلىعى 26 ينتەرنەت-توپ انىقتالعان. ولاردىڭ ىشىندە 32 مىڭ قولدانۋشى – قازاقستاندىقتار.